- 2017-12-25 07:32:13
- ព័ត៌មាន
តារាចម្រៀងស្រីវ័យក្មេងជប៉ុន KIE ASANO បង្ហាញក្តីស្រលាញ់ដល់កុមារកំព្រាកម្ពុជា
- 2017-12-25 07:32:13
- ចំនួនមតិ 0 | ចំនួនចែករំលែក 0
តារាចម្រៀងស្រីវ័យក្មេងជប៉ុន KIE ASANO បង្ហាញក្តីស្រលាញ់ដល់កុមារកំព្រាកម្ពុជា
ចន្លោះមិនឃើញ
សមាជិកនៅក្នុងក្រុម「POP UP」កញ្ញា KIE ASANO បានមកទស្សនកិច្ចនៅប្រទេសកម្ពុជាចំនួន៤ថ្ងៃ។ ក្នុងដំណើរទស្សនកិច្ចនេះកញ្ញាបានធ្វើសកម្មភាពសប្បុរសធម៏ជាច្រើន ដោយបានចុះសួរសុខទុក្ខកុមារកំព្រា ក្នុងសមាគមអភិវឌ្ឍន៍គ្រួសារពលី និង កុមារកំព្រា (SFODA) ដោយបាននាំយកនូវសម្ភារៈអនាម័យ ដូចជា សាប៊ូកក់សក់ ថ្នាំដុះធ្មេញ សាប៊ូលាងចាន ជាដើម ទៅចែកជូនដល់ក្មេងៗនៅក្នុងមណ្ឌលចំនួន ៥១នាក់។
ក្រៅពីប្រគល់អំណោយ កញ្ញា KIE ASANO ក៏បានច្រៀងរាំជាមួយក្មេងកំព្រាយ៉ាងសប្បាយរីករាយផងដែរ។
កញ្ញា KIE ASANO បានឲ្យដឹងថា នាងពិតជាស្រលាញ់ចូលចិត្តប្រទេសកម្ពុជាយ៉ាងខ្លាំងនៅពេលឃើញស្នាមញញឹម និងភាពរួសរាយរាក់ទាក់របស់ប្រជាជនកម្ពុជា ជាពិសេសកុមារកំព្រា ដែលបង្ហាញពីការទទួលស្វាគមន៍នាងយ៉ាងកក់ក្តៅ។
អ្វីដែលពិសេសជាងនេះទៅទៀតនោះ តារាចម្រៀង KIE ASANO និងសមាជិកក្រុមចម្រៀង「POP UP」នឹងមកសម្តែងនៅប្រទេសកម្ពុជាជាលើកដំបូងនៅថ្ងៃទី ១៧ ខែមករា ឆ្នាំ២០១៨ ខាងមុខនេះ នៅផ្សារទំនើបអ៊ីអនម៉ល ជាន់ទី២ វេលាម៉ោង៥ល្ងាច។
មិនត្រឹមតែមកសម្តែងនៅដើមឆ្នាំថ្មីនេះទេ ទៅថ្ងៃអនាគតក្រុមរបស់នាងនឹងមកសម្តែងនៅកម្ពុជាជាបន្តបន្ទាប់ ជាពិសេសក៏ធ្វើសកម្មភាពសប្បុរសធម៌នានាឲ្យបានកាន់តែច្រើនជាងនេះផងដែរ។
ក្រុមតារាចម្រៀងស្រី 「POP UP」មានសមាជិកទាំងអស់៤នាក់ ហើយក៏ជាក្រុមមួយដែលមានប្រជាប្រិយភាពក្នុងចំណោមក្រុមចម្រៀងប្រហែល៣០០ក្រុមក្នុងប្រទេសជប៉ុន។ក្រុមនេះដើរសម្តែងតាមទីក្រុងធំៗរបស់ប្រទេសជប៉ុនដូចជា ទីក្រុងតូក្យូ អូសាកា និងក្យូតូជាដើម។