ចប់បាត់ ស្រីស្អាត Suzy រងការរិះគន់ខ្លាំងៗ រឿងសួរគោ ឆ្លើយក្របី!

2018-01-30 12:59:56
ព័ត៌មាន

2018-01-30 12:59:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ ស្រីស្អាត Suzy បានទទួលការរិះគន់ពីអ្នកសារព័ត៌មានចំៗ បន្ទាប់ពីនាងបានចូលក្នុងកម្មវិធីសំណួរចម្លើយមួយ ដែលគ្រានោះ អ្នកសារព័ត៌មានថា ពួកគេសួរផ្សេង នាងឆ្លើយផ្សិង មើលទៅនាងខ្វះវិជ្ជាជីវៈក្នុងការឆ្លើយសំណួរឲ្យត្រឹមត្រូវណាស់។

នៅមុនផ្ទុះការរិះគន់នេះ Suzy បានរៀបចំសន្និសីទពីការវិលត្រឡប់ ជាមួយ Solo Album ទី២របស់នាង "Faces of Loveកាលពីថ្ងៃទី ២៩ មករាម្សិលមិញនៅឯកម្មវិធី YES24 Live Hall ក្នុងទីក្រុងសេអ៊ូល ដែលនោះជា Solo Album ដំបូងរបស់នាង បន្ទាប់ការបែកបាក់របស់ក្រុម miss A និងការប្រេះឆាស្នេហ៍ជាមួយប្រុសស្អាត Lee Min Ho ។

ដោយសារជាព្រឹត្តិការណ៍ក្ដៅគគុកមួយ សំណួរពិបាកៗជាច្រើន ត្រូវបានចោទសួរទៅនាង ប៉ុន្តែកម្មវិធីក៏បានផ្ដល់រយៈសម្រាប់នាងរៀបចំខ្លួនដែរ។ យ៉ាងណាក៏ដោយ អ្នកសារព័ត៌មានមានវត្តមានក្នុងកម្មវិធីបាននិយាយថា Suzy ពិតជាខ្វះវិជ្ជាជីវៈណាស់ ព្រោះតែនាងបានឆ្លើយសំណួររបស់ពួកគេចាកប្រធានម្ដងហើយម្ដងទៀត។

អ្នកសារព័ត៌មានថា ពេលសួរអំពីការបែកបាក់របស់ក្រុម miss A នាងបែរជាឆ្លើយថា៖ "វាជាបញ្ហាប្រឈមថ្មីចំពោះខ្ញុំ ដូច្នេះខ្ញុំបានត្រៀមខ្លួនយ៉ាងលំបាក"។ លើសពីនេះ ស្រីស្អាតក៏បានបរាជ័យក្នុងការពន្យល់ពីអាល់ប៊ុមចម្រៀងរបស់នាងផងដែរ។ សំណួរថា ស្នេហាបែបណាដែលនាងចង់បង្ហាញក្នុងអាល់ប៊ុមចម្រៀងរបស់នាង។

នាងបានឆ្លើយខុសទៀតថា "ស្នេហានៅអាយុ ២៥ឆ្នាំ គឺមានន័យណាស់។ បន្តមកទៀត បន្ទាប់ពីនៅស្ងៀមមួយសន្ទុះក្រោយរងសំណួរ តារាស្រីរូបនេះ បានត្រឹមឆ្លើយពាក្យថា "សុំទោស" ដោយមិនបានរៀបរាប់លម្អិតអ្វីបន្ថែមឡើយ។ យ៉ាងណា ចុងក្រោយ Suzy បានធ្វើសុំអភ័យទោសចំពោះការផ្ដល់ចម្លើយរបស់នាងដែរ។

យ៉ាងនេះក្ដី អ្នកសារព័ត៌មាន បានក្រើនរំលឹកដល់ស្រីស្អាតរូបនេះ ឲ្យខិតខំអានសៀវភៅបន្ថែមទៀត ព្រោះថា បានសម្ផស្សស្អាតតែម្យ៉ាង ខ្វះចំណេះដឹងក៏មិនល្អដែរ៕

ប្រភព៖ Allkpop ប្រែសម្រួល៖ ទារិកា