- 2018-02-24 07:05:00
- ព័ត៌មាន
អម្ពរ ទេវី លេចមុខជាមួយ ទេព រិនដារ៉ូ ចុះទៅចែកអំណោយដល់សិក្សានុសិស្ស នៅបាត់ដំបង
- 2018-02-24 07:05:00
- ចំនួនមតិ 0 | ចំនួនចែករំលែក 0
អម្ពរ ទេវី លេចមុខជាមួយ ទេព រិនដារ៉ូ ចុះទៅចែកអំណោយដល់សិក្សានុសិស្ស នៅបាត់ដំបង
ចន្លោះមិនឃើញ
តារាសម្តែងជើងចាស់អ្នកស្រី អម្ពរទេវី បានចុះទៅចែកអំណោយសម្ភារៈសិក្សាដល់ប្អូនៗសិក្សានុសិស្ស នៅក្នុងខេត្តបាត់ដំបងជាមួយសិល្បករជាច្រើនរូប ពិសេសដៃគូសម្តែងដ៏ស័ក្តិសមលោក ទេព រិនដារ៉ូ។
ការចែកអំណោយនេះធ្វើឡើងស្របពេលដែលអ្នកស្រីបានធ្វើដំណើរទៅក្រុងពាលីរឿង «ឆន្ទា» ដែលអ្នកស្រីកំពុងសម្តែង និងរឿងមួយទៀតរបស់ផលិតកម្ម LD Picutre ដែរ គឺរឿង «ម្ចាស់ក្រោលដំរី» នៅទឹកដីដ៏ចំណាស់នាខេត្តបាត់ដំបង។
បើតាមការឲ្យដឹងពីតារាសម្តែង ទេព រិនដារ៉ូ អំណោយដែលចែកជូនដល់សិស្សៗទាំងនោះរួមមាន ប៊ិច សៀវភៅ កង់ ជាដើម ហើយសម្ភារៈសិក្សាទាំងនោះបានមកពីទឹកចិត្តរបស់សិល្បករដែលបានចូលរួមសម្តែងក្នុងរឿងទាំងពីរខាងលើ។
ពិធីក្រុងពាលី និងចែកអំណោយនេះដែរ ធ្វើឡើងនៅភូមិវត្តសម្តេច ឃុំតាប៉ុន ស្រុកឯកភ្នំ ខេត្តបាត់ដំបង កាលពីថ្ងៃទី២២ ខែកុម្ភៈ ឆ្នាំ២០១៨កន្លងទៅនេះ៕
