- 2018-02-26 06:27:45
- ជីវិតតារា
គៀត សុវណ្ណាឡាង៖ ទំនាក់ទំនងជាមួយ លឹម ជាឡាយ គ្មានអ្វីត្រូវលាក់បាំង
- 2018-02-26 06:27:45
- ចំនួនមតិ 0 | ចំនួនចែករំលែក 0
គៀត សុវណ្ណាឡាង៖ ទំនាក់ទំនងជាមួយ លឹម ជាឡាយ គ្មានអ្វីត្រូវលាក់បាំង
ចន្លោះមិនឃើញ
តារាសម្តែង គៀត សុវណ្ណាឡាង ថាគ្មានអ្វីត្រូវលាក់បាំងទេ សម្រាប់ទំនាក់ទំនងនាង និងលោក លឹម ជាឡាយ។ បើសិនមានដំណឹងល្អនាងនឹងប្រកាសដល់ទស្សនិកជនបានដឹង ប៉ុន្តែពេលនេះស្រីស្រស់រូបនេះថា ត្រឹមតែជាមិត្តរួមអាជីពប៉ុណ្ណោះ គ្មានធ្វីលើសពីនេះឡើយ។
ភាពស័ក្តិសមនៃការសម្ដែង ហើយជាញឹកញាប់អ្នកទាំងពីរតែងមានវត្ថមានក្បែរគ្នា ស្ទើរគ្រប់កម្មវិធី បានធ្វើឲ្យទស្សននិកជនពេញចិត្តយ៉ាងខ្លាំង ចំពោះតារាសម្ដែងមួយគូនេះ ។ ជាពិសេសតែងតែយល់ថាអ្នកទាំងពីជាគូស្នេហ៍ពិតនៅខាងក្រៅឆាកទៀតផង។
ជុំវិញការចោទខាងលើតារារូបស្រីស្រស់ គៀត សុវណ្ណាឡាង បានប្រាប់ថា សកម្មភាពកន្លងមកនាងតែងហៅលោកជាឡាយជាលោកប្ដី គឺនាងហៅតាមសាច់រឿងដែលនាងសម្ដែងរួមគ្នាតែប៉ុណ្ណោះ។ ចំណែក ការសម្ដែងជាមួយគ្នាមានភាពស័ក្តិសម គឺមកពីការយល់ពីគ្នាច្រើន រវាងគ្នានឹងគ្នា។
«អូ! បើខ្ញុំនឹងបងជាឡាយស្រឡាញ់គ្នាមែនខ្ញុំអត់មានអ្វីទេត្រូវលាក់បាំងទេ ខ្ញុំនិងប្រកាសជាសាធារណៈ ព្រោះធ្វើឲ្យខ្ញុំ និងគាត់កាន់តែមានអ្នកគាំទ្រខ្លាំងទៀត ដោយសារមហាជនលោកចង់ឲ្យខ្ញុំស្រឡាញ់គ្នានោះ។ តែពេលនេះយើងទាំងពីរត្រឹមជាមិត្តរួមអាជីពនិងជាដៃគូរសម្ដែងប៉ុណ្ណោះ។ អូ! មានអ្វីបងឡាយគាត់ជាមនុស្សល្អគាត់ជាសុភាពបុរសម្នាក់ ខ្ញុំធ្វើខុស បន្តិចបន្តួចគាត់មិនប្រកាន់ខឹងទេ ហើយស៊ូជាមួយការងារច្រើន។ »គៀត សុវណ្ណាឡាង បញ្ជាក់។
ទោះជាយ៉ាងណាតារាស្រីរូបនេះមិនបានបញ្ជាក់ថាភាពជាមិត្តរួមអាជីពនៅតែរក្សាបានរហូត មិនប្រែប្រួលនោះទេ ព្រោះនាងថា នាងមិនអាចដឹងពីអនាគត។ តារាសម្ដែង ស្រីស្អាតប្រុសសង្ហាមួយគូនេះ បានចាប់ដៃសម្ដែងជាមួយគ្នាជាច្រើនរឿងដែលទទួលបានការគាំទ្រយ៉ាងខ្លាំង មានដូចជារឿង "ក្រមុំបាយឆា" "អាពាហ៍ពិពាហ៍ចម្លែក"ជាដើម ដែលការសម្ដែងនោះសាកសមដូចជាគូរស្នេហ៍ពិតៗ៕