- 2018-03-13 04:59:22
- ព័ត៌មាន
Rolls-Royce រដ្ឋមន្ត្រីម៉ាំល្ហុង ល្បីដល់ថ្នាក់តារាចម្រៀងល្បីៗជួលថត MV គគ្រឹកគគ្រេង
- 2018-03-13 04:59:22
- ចំនួនមតិ 0 | ចំនួនចែករំលែក 0
Rolls-Royce រដ្ឋមន្ត្រីម៉ាំល្ហុង ល្បីដល់ថ្នាក់តារាចម្រៀងល្បីៗជួលថត MV គគ្រឹកគគ្រេង
ចន្លោះមិនឃើញ
រថយន្តកែច្នៃ Rolls-Royce លោក បូរ៉ា ហៅរដ្ឋមន្ត្រីម៉ាំល្ហុង បច្ចុប្បន្ននៅកំពុងតែមានទីផ្សារខ្លាំងឡើងៗហើយ។ ក្រៅពីជាមធ្យោបាយលក់ម៉ាំល្ហុងយ៉ាងមានភាពទាក់ទាញ រថយន្តកែច្នៃមួយនេះត្រូវបានអ្នកដឹកសម្ដែង ជួលទៅថត MV ឲ្យតារាចម្រៀងល្បីៗជាបន្តបន្ទាប់។
តាមការឲ្យដឹងពីម្ចាស់រថយន្តខាងលើ យ៉ាងតិចមានបទចម្រៀង៤បទ របស់តារាចម្រៀងល្បី៤រូបផ្សេងគ្នា បានជួលរថយន្ត ទៅសម្ដែង MV ជាបន្តបន្ទាប់។ រដ្ឋមន្ត្រីម៉ាំល្ហុងរូបនេះ បានរៀបរាប់ឲ្យដឹងថា បទចម្រៀងដែលរថយន្ត Rolls-Royce របស់ខ្លួនធ្លាប់បានសម្ដែងមាន ទី១បទ"ខោរហែក" របស់តារាចម្រៀង Vid Cooler ទី២ បទ"បីឆ្កែចូលរាំ" របស់តារាចម្រៀង ពេជ្រ សោភា ទី៣ បទ "បុក បឹបៗ " របស់ DJ ក្ដឹប និងបទ"កុំជោរប្រយ័ត្នប៉ះកង់" របស់តារាចម្រៀង ព្រាប សុវត្ថិ។
លោក បូរ៉ា បានលើកឡើងថា អ្នកដឹកនាំសម្ដែងដែលជួលរថយន្តខ្លួនទៅថតនោះ មិនមែនយកតែរថយន្តនោះទេ គឺថែមទាំងជួលលោកទៅសម្ដែងផងដែរ។ តម្លៃជួលថត Rolls-Royce ១បទ ថ្លៃ៥០ ដុល្លារ ចំណែកតម្លៃខ្លួនលោកវិញ បាន៥០ ដុល្លារដូចគ្នា។ " ឡានខ្ញុំគាត់ឲ្យ៥០ ហើយថ្លៃខ្លួនខ្ញុំបាន៥០ដែរ អីចឹងម្ដងៗបាន១០០ ដុល្លារដែរហ្នឹង" លោក បូរ៉ា ថ្លែង។
តាមការបញ្ជាក់ រថយន្តកែច្នៃ Rolls-Royce លោក បូរ៉ា បានកែឆ្នៃពីម៉ាស៊ីនម៉ូតូ ដោយចំណាយប្រហែល១០លានរៀល ។ បុរសដែលចូលចិត្តធ្វើអ្វីប្លែក មិនចេះអៀនខ្មាសរូបនេះ បានកែឆ្នៃរថយន្តនេះ ជិត១ឆ្នាំមកហើយ ដើម្បីលក់ម៉ាំល្ហុងរបស់លោក ឲ្យកាន់តែមានភាពទាក់ទាញពីមហាជន។ លោកថា តាំងពី មាន Rolls-Royce នេះមក ខ្លួនលក់ម៉ាំ ដាច់ជាងមុនខ្លាំងគួរសម ហើយមហាជនក៏កាន់តែចាប់អារម្មណ៍លោកកាន់តែខ្លាំងផងដែរ៕