- 2018-05-14 03:50:00
- ព័ត៌មាន
Bella ឈរញញឹមពព្រាយ ពេល GOT7 ច្រៀងបទក្នុងរឿងខ្លួនសម្ដែង
- 2018-05-14 03:50:00
- ចំនួនមតិ 0 | ចំនួនចែករំលែក 0
Bella ឈរញញឹមពព្រាយ ពេល GOT7 ច្រៀងបទក្នុងរឿងខ្លួនសម្ដែង
ចន្លោះមិនឃើញ
ព័ត៌មានថ្មីមួយទៀតរបស់តារាសម្ដែង កំពុងទទួលបានការគាំទ្រពេញប្រទេសថៃ Bella Ranee ដែលត្រូវបណ្ដាញផ្សព្វផ្សាយក្នុងស្រុកចុះផ្សាយព្រាត ទាក់ទងនឹងវត្តមានចូលរួមក្នុងការប្រគំតន្ត្រីរបស់ក្រុមតារាកូរ៉េ GOT7។
កាលពីថ្ងៃម្សិលមិញនេះ Bella បានទៅចូលរួមទស្សនាការប្រគំតន្ត្រីថ្ងៃចុងក្រោយរបស់ក្រុមចម្រៀង K-Pop GOT7 ដែលបានមកសម្ដែងក្នុងប្រទេស។ គ្រប់គ្នាដែលបានទៅចូលរួមទស្សនាការប្រគំតន្ត្រីនោះពិតជាមានរីករាយប្លែក ពិសេសពេលបានឃើញក្រុមចម្រៀង K-Pop នេះច្រៀងបទចម្រៀងរបស់រឿង "បុព្វេសន្និវាស” មានចំណងជើងថា "អចោវអើយ” ។
អ្វីដែលកាន់តែភ្ញាក់ផ្អើល ក្នុងចំណោមអ្នកគាំទ្រដែលទៅចូលរួមថ្ងៃចុងក្រោយ (ថ្ងៃទី ១៣ ខែឧសភា) ក៏មាន Bella ម្នាក់ដែរ។ ខណៈដល់ពេល GOT7 ច្រៀងបទចម្រៀងក្នុងរឿងដែលខ្លួនសម្ដែង Bella ឈរញញឹមជាប់ ហាក់បង្កប់អារម្មណ៍ពេញចិត្តជាប្រាកដ។
វីដេអូរបស់នោះ ត្រូវបានបង្ហោះដោយនាងផ្ទាល់លើ គណនី Instagram កាលពីយប់មិញ។ ពេលឃើញភ្លាម BamBam ដែលជាសមាជិកជនជាតិថៃរបស់ GOT7 ក៏បានចូលខមមិនអរគុណចំពោះវត្តមានរបស់តារាស្រីរូបនេះក្នុងព្រឹត្តិការណ៍ប្រគំតន្ត្រីរបស់ក្រុមខ្លួន៕
ទិដ្ឋភាពយ៉ាងណាសូមទស្សនាដូចតទៅ៖
