- 2018-05-17 06:27:41
- ព័ត៌មាន
គិតត្រឹម៣ខែ ដើមឆ្នាំសោះ ផលិតកម្មយក្សទាំង ៣របស់កូរ៉េរកចំណូលបានច្រើនកប់ពពក
- 2018-05-17 06:27:41
- ចំនួនមតិ 0 | ចំនួនចែករំលែក 0
គិតត្រឹម៣ខែ ដើមឆ្នាំសោះ ផលិតកម្មយក្សទាំង ៣របស់កូរ៉េរកចំណូលបានច្រើនកប់ពពក
ចន្លោះមិនឃើញ
ផលិតកម្មធំ៣របស់កូរ៉េ មានដូចជា SM, JYP និង YG ទទួលបានចំណូលយ៉ាងច្រើនក្រាស់ក្រែល គិតត្រឹមរយៈពេល៣ខែដំបូងសោះ នៃដើមឆ្នាំ ២០១៨។
ថ្មីៗនេះ ចំណូល និងប្រាក់ចំណេញដែលផលិតកម្មយក្សចំនួន ៣របស់កូរ៉េ បានលាតត្រដាងហើយ ក្រោយដឹងភ្លាមម្នាក់ៗបើកភ្នែកធំៗគ្រប់គ្នា។ វាលែងជារឿងអាថ៌កំបាំងទៀតហើយ ដែល ផលិតកម្ម SM, JYP និង YG អាចរកចំណូលបានសន្ធឹកសន្ធាប់ក្នុងមួយឆ្នាំៗ ដោយសារតារាៗក្នុងផលិតកម្មទាំងនេះសុទ្ធតែខ្លឹមៗ និងទទួលបានការគាំទ្រភ្លូកទឹកភ្លូកដី។
ជាក់ស្ដែង ដូចផលិតកម្ម SM ជាមួយក្រុមល្បីជំនាន់ថ្មី NCT រួមដៃគ្នារកចំណូលចូលក្នុងក្រុមហ៊ុនរហូតទៅដល់ ១១០,៦ពាន់លានវ៉ុន (ប្រហែល ១០២ ៥៦៨ ៨៥៣ដុល្លារ)។ បើគិតពីប្រាក់ចំណេញសុទ្ធ គឺប្រមាណ ១០ភាគរយ ឬខ្ទង់ ១១,៤ពាន់លានវ៉ុន (ប្រហែល ១០ ៥៧២ ១៩៦ ដុល្លារ)សម្រាប់ ៣ខែដំបូង។
បន្ទាប់ពីផលិតកម្ម SM គឺតាមពីក្រោយដោយ YG ដែលអាចរកចំណូលបាន ៧៧,២ពាន់លានវ៉ុន (ប្រហែល ៧១ ៥៩៤ ១៧២ដុល្លារ) ប៉ុន្តែចំណេញបានត្រឹម ៧០០លានវ៉ុន (ប្រហែល ៦៤៩ ១៩៦ ដុល្លារ) ប៉ុណ្ណោះ។
ចំណែក JYP វិញ មានចំណូលត្រឹមតែ ២៣ ពាន់លានវ៉ុន (ប្រហែល ២១ ៣២៩ ៨៧០លាដុល្លារ) ប៉ុន្តែក្រុមហ៊ុនត្រូវទទួលបានប្រាក់ចំណេញសុទ្ធចំនួន ១,៨ពាន់លានវ៉ុន (ប្រហែល ១ ៦៦៩ ២៩៤ ដុល្លារ)៕
