- 2018-05-17 07:02:18
- ជីវិតតារា
ខ្លឹម ស្រីគា ធ្វើខួបកំណើតលើកដំបូង ខាតអស់១ខ្ទាស់
- 2018-05-17 07:02:18
- ចំនួនមតិ 0 | ចំនួនចែករំលែក 0
ខ្លឹម ស្រីគា ធ្វើខួបកំណើតលើកដំបូង ខាតអស់១ខ្ទាស់
ចន្លោះមិនឃើញ
បវរកញ្ញា Miss Grand Cambodia ខ្លឹមស្រីគា ខាតប្រាក់អស់១ពាន់ដុល្លារ ពេលធ្វើពិធីខួបកំណើតលើកទី១របស់ខ្លួនជួបជុំអ្នកសិល្បករ កាលពីថ្ងៃទី១៥ ខែឧសភាថ្មីៗនេះ។
ស្រីស្អាតកម្ពស់ ១.៧៣ ម៉ែត្រប្រាប់ថា ដោយសារការរៀបចំតក់ក្រហល់ពេក ព្រោះមិនបានព្រាងទុកមុនច្រើនថ្ងៃ ទើបធ្វើឲ្យខាតប្រាក់ច្រើនបែបនេះ។ ទោះយ៉ាងណាស្រីគាថាគ្មានបញ្ហានោះទេ ចំពោះចំនួនប្រាក់ប៉ុណ្ណឹង។ ចំពោះការចំណាយលើកម្មវិធីអស់ប្រាក់សរុបប៉ុន្មាន តារាកើតនៅរាជធានីភ្នំពេញសុំមិនប្រាប់ឡើយ។
ស្រីគានិយាយថា៖ “កម្មវិធីហ្នឹងរៀបចំភ្លាមៗពេក រៀបមុនតែ២ថ្ងៃទេ។ ហើយសុំទោសបងៗផងដែលរាប់អានស្រលាញ់ខំចូលរួមទាំងរវល់។ ដោយសារខ្ញុំមមាញឹកពេក ដល់ចឹងអត់សូវមានពេលរៀបចំ ធ្វើឲ្យកម្មវិធីខ្វះចន្លោះហើយតក់ក្រហល់ទៀត ទើបខាតតិចតួចចឹងទៅ"។
ក្នុងពិធីខួបកំណើតគម្រប់អាយុ១៩ឆ្នាំ ខ្លឹម ស្រីគាបាននិមន្តព្រះសង្ឃសូត្រមន្តទទួលពរជ័យ និងពេលយប់ធ្វើពិធីជប់លៀងដោយរៀបចំចំនួន១០តុផងដែរ៕