- 2018-05-19 00:00:00
- ស្ទីលតារា
តារាស្រីឥណ្ឌា ៦នាក់មានជោគវាសនាខុសគ្នាក្រោយវះកាត់កែបបូរមាត់
- 2018-05-19 00:00:00
- ចំនួនមតិ 0 | ចំនួនចែករំលែក 0
តារាស្រីឥណ្ឌា ៦នាក់មានជោគវាសនាខុសគ្នាក្រោយវះកាត់កែបបូរមាត់
ចន្លោះមិនឃើញ
មិនមែនអ្នកសិល្បៈគ្រប់រូបសុទ្ធតែមានសម្រស់ស្រស់ស្អាតនោះទេ តែដោយសារពេលខ្លះពួកគេចេះរៀបចំតុបតែងខ្លួន និងកែកុនបន្តិចបន្តូចដើម្បីលើកសម្រស់ឲ្យកាន់តែត្រដែត។
តួយ៉ាងដូចតារាបូលីវូដទាំង ៦រូបខាងក្រោម សម្រេចកែទម្រង់មាត់បន្តិច ដើម្បីឲ្យប្លែកពីបបូរមាត់ដើម ដែលពួកនាងគិតថាមិនសូវស្អាត។ អ្នកទាំង ៦នោះរូមមាន៖
១. តារាសម្ដែង Priyanka Chopra
អតីតបវរកញ្ញាពិភពលោកឆ្នាំ ២០០០រូបនេះ បានកែបបូរមាត់ឲ្យមានទម្រង់ស្រស់ស្អាតជាង ពេលដែលនាងចូលសិល្បៈដំបូង។ គ្រប់គ្នាសរសើរថា នាងស្អាតជាងមុន ហើយការងារនាងក៏ចេះតែរីកចម្រើនឡើងៗ។
២. តារាសម្ដែង Nargis Fakhri
ពីមុនទម្រង់មាត់របស់ Nargis មានសភាពរាងក្រហិប ទើបនាងត្រូវសម្រេចកែឲ្យមានរាងសមជាងមុនបន្តិច។ ក្រោយកែ សម្រស់នាងកាន់តែលេចធ្លោមួយកម្រិត ហើយបន្ថែមភាពទាក់ទាញពេញផ្ទែមុខ ពិសេសត្រួវប៉ាន់ក្នុងការថតម៉ូដ និងសម្ដែង។
៣. តារាសម្ដែង Mouni Roy
តួឯកស្រីក្នុងរឿង "ប្រពន្ធពស់” រូបនេះក៏ជាតារាស្រីកំពូលសម្រស់ម្នាក់ដែរប្រចាំប្រទេសឥណ្ឌា។ ប៉ុន្តែបើក្រឡេកទៅកាលពីចូលសិល្បៈភ្លាមៗ មាត់នាងមានសភាពស្ដើង ជាហេតុធ្វើឲ្យតារាស្រី វ័យ៣២ឆ្នាំរូបនេះ កែឲ្យធំជាងមុន។ ទម្រង់បបូរមាត់របស់នាង ក្រោយកែហើយពិតជាសិចស៊ី និងស្រស់ស្អាតបំផុត។
៤. តារាសម្ដែង Anushka Sharma
ចំណែកតារាស្រីរូបនេះវិញ ក្រោយវះកាត់កែមាត់ ស្រាប់តែក្លាយជាជនរងគ្រោះ ដោយដោយសារពាក្យរិះគន់ពីមហាជនទៅវិញ។ ម្នាក់ៗបែរជាចាប់ផ្ដើមបង្កើតរឿងរ៉ាវ និងចំអកនឹងបបូរមាត់របស់នាងទៅវិញ។ ប៉ុន្តែទោះជាយ៉ាងណា Anushka ក៏ព្រមទទួលទាំងរីករាយ ព្រមទាំងប្រកាសថា នាងជាមនុស្ស ដូចនេះនាងមិនល្អឥតខ្ចោះឡើយ។
៥. តារាសម្ដែង Katrina Kaif
ស្រីស្អាតរូបនេះវិញ គឺជាតារាស្រីដែលគ្រប់គ្នាចោទថា ពូកែខាងកែកុនសម្ផស្ស ប៉ុន្តែនាងមិនដែលទទួលស្គាល់ម្ដងណាឡើយ។ ប៉ុន្តែសម្រាប់ផ្នែកបបូរមាត់របស់នាងវិញ ម្នាក់ៗប្រាកដច្បាស់ថាជាការកែ ព្រោះបើពិនិត្យឲ្យជាក់ពីរូបពេលចូលសិល្បៈដំបូង និងបច្ចុប្បន្ន មាត់ Katrina ខុសគ្នាដាច់។
៦. តារាសម្ដែង Ayesha Takia
ធ្លាប់តែមានមុខស្អាតបែបធម្មជាតិ ប៉ុន្តែក្រោយមក Ayesha ស្រាប់តែសម្រេចកែកុនសម្ផស្សឲ្យប្លែកជាងមុនវិញ។ ដោយសារបែបនេះ អ្នកគាំទ្រមួយចំនួនរបស់នាងហាក់មានប្រតិកម្មនឹងការកែម្រស់ថ្មីរបស់នាង ដោយសារខុសគ្នាឆ្ងាយពេក តាំងពីឆ្អឹងថ្ពាល់ ត្របកភ្នែក និងបបូរមាត់ប្លែកជាងមុនខ្លាំង៕
