- 2018-05-21 01:23:21
- ភាពយន្ត
ខ្សែភាពយន្ត បានជួយផ្សព្វផ្សាយពីអត្តសញ្ញាណជាតិច្រើនស្មានមិនដល់
- 2018-05-21 01:23:21
- ចំនួនមតិ 0 | ចំនួនចែករំលែក 0
ខ្សែភាពយន្ត បានជួយផ្សព្វផ្សាយពីអត្តសញ្ញាណជាតិច្រើនស្មានមិនដល់
ចន្លោះមិនឃើញ
ភាពយន្តជាទម្រង់សិល្បៈទី៧ ដែលជាចំណែកបង្ហាញពីអត្តសញ្ញាណជាតិ តាមរយៈការបង្ហាញពីជំនឿ ទំនៀមទម្លាប់ជាតិ បន្ទាប់ពីទម្រង់សិល្បៈផ្សេងទៀត។
លោក ប៉ុក បូរក្ស ប្រធាននាយកដ្ឋានភាពយន្ត និងផ្សព្វផ្សាយវប្បធម៌ បានលើកឡើងថា ភាពយន្តគឺជាផលិតផលវប្បធម៌ដែលបង្ហាញពីអត្តសញ្ញាណជាតិខ្មែរ។ ក្នុងនោះលោកបានបញ្ជាក់ថា ភាពយន្ត ក៏ជាផ្នែកមួយយ៉ាងសំខាន់ ព្រោះវាបានផ្សព្វផ្សាយពីភាសា ទំនៀមទម្លាប់ មានការស្លៀកពាក់ ដេកដើរឈរ អង្គុយ ផ្នត់គំនិត បរិយាកាសសង្គម និងរឿងរ៉ាវតាមប្រវត្តិផ្សេងៗ ។ រវាងភាពយន្តបុរាណនិង សម័យ សុទ្ធបង្ហាញពីផលល្អរៀងខ្លួន តែលោកបានបញ្ជាក់ រឿងបុរាណគឺជាប្រភេទរឿងមួយដែលបង្ហាញពីឫសគល់ប្រទេសជាតិច្រើន ទៅតាមសម័យកាលនីមួយៗ តំបន់ប្រវត្តិសាស្រ្ត របៀបការរស់នៅ ផ្នត់គំនិត ជំនឿជាដើម។
ដូចគ្នានេះដែរ ឯកឧត្តម ម៉ៅ អាយុទ្ធ ប្រធានសមាគមទូរទស្សន៍កម្ពុជា បានលើកឡើងថា ភាពយន្ត បានបង្ហាញពីវប្បធម៌ និងរបៀបរស់នៅ អប់រំមនុស្ស ដែលត្រូវតែយកចិត្តទុកដាក់។ ក្នុងនោះលោកបញ្ជាក់ថាដើម្បីឲ្យការផ្តល់នូវចំណេះដឹងផ្នែកវប្បធម៌នេះបានត្រឹមត្រូវចំពោះសារធារណៈជន តាមរយៈភាពយន្ត លោកថាទាល់តែអ្នកនិពន្ធ និងអ្នកដឹកនាំរឿង ត្រូវមានចំណេះទូទៅទូលាយ និងមានការស្រាវជ្រាវទាំងអស់ មិនត្រឹមតែការតុបតែងខ្លួន របស់ប្រើប្រាស់ទេ តែយល់ដឹងពីផ្នត់គំនិត ឲ្យបានត្រឹមត្រូវមុនការផលិត ដើម្បីជៀសវាងមានការភាន់ច្រឡំ។
ភាពយន្តប្រៀបបានទៅនឹងកញ្ចក់ឆ្លុះបញ្ចាំងពីសង្គម ដែលគេតែតែលើកឡើងថា រឿងជាផ្នែកមួយនៃការពិត រួមនឹងប្រឌិតបន្ថែមរបស់អ្នកនិពន្ធ៕