- 2018-05-20 03:32:20
- ជីវិតតារា
៣ ចំណុចពី ស៊ីន យូប៊ីន ដើម្បីសុខភាពផ្លូវចិត្ត និងសម្រស់ស្រស់ស្អាត
- 2018-05-20 03:32:20
- ចំនួនមតិ 0 | ចំនួនចែករំលែក 0
៣ ចំណុចពី ស៊ីន យូប៊ីន ដើម្បីសុខភាពផ្លូវចិត្ត និងសម្រស់ស្រស់ស្អាត
ចន្លោះមិនឃើញ
ការងារសិល្បៈ ពិតជារវល់ខ្លាំង សូម្បីតែពេលដេកក៏មិនសូវបានគ្រប់គ្រាន់ផង ដូចនេះក្នុងមានជាសិល្បករត្រូវមានតិចនិចថែរក្សាសុខភាពរបស់ខ្លួនឱ្យបានល្អដើម្បីបំពេញការងារកាន់តែប្រសើរ។ ខាងក្រោមនេះ Sabay សូមលើកយកបទពិសោធន៍ ៣ ចំណុចដែល តួឯកស្រីឆ្នើម ស៊ីន យូប៊ីន អនុវត្ត ដើម្បីឱ្យការងារសិល្បៈរបស់ខ្លួនកាន់តែជោគជ័យ និងមិនប៉ះពាល់សុខភាព។
១. ថែរក្សាសុខភាព
ទោះជារវល់ខ្លាំងយ៉ាងណា មិនត្រូវបង្ខំខ្លួនឯងមិនឱ្យដេកពួនឡើយ ត្រូវមានពេលសម្រាប់ខ្លួនឯង សម្រាន្ត ហាត់ប្រាណ បរិភោគ ដើម្បីសុខភាពរឹងមាំ និងលំហែ ដើម្បីសុខភាពផ្លូវចិត្តផងដែរ។ កញ្ញា ស៊ីន យូប៊ីន បន្តថា លុយកាក់សំខាន់សម្រាប់ការរស់នៅមែន តែសុខភាព រឹតតែសំខាន់ បើចង់រកលុយឱ្យបានច្រើន ត្រូវធ្វើការឱ្យបានល្អ ដោយមានសុខភាពល្អ កុំធ្វើការឱ្យបានតែច្រើន ដើម្បីលុយបានច្រើន តែខូចសុខភាព។
២. ចេះចែករំលែក
កញ្ញា ស៊ីន យូប៊ីន ពន្យល់ថា ពេលការងារបានកាន់តែប្រសើរ ជីវិតមានភាពជោគជ័យ មនុស្សយើងត្រូវចេះចែករំលែកក្ដីសុខដល់មនុស្សដែលរស់នៅជុំវិញខ្លួន ដូចជាអ្នកគាំទ្រអ្នក និងគ្រួសារជាទីស្រលាញ់។ ស្រីស្អាត យូប៊ីន ក៏បន្តថា ការធ្វើបុណ្យកុសល បុណ្យកុសលរមែងផ្ដល់នូវចិត្តជ្រះថ្លា និងវាសនាល្អដល់យើងវិញ ដូចនេះការធ្វើបុណ្យដាក់ទាន ជាទម្លាប់ហើយសម្រាប់រូបនាង ព្រោះកញ្ញា នៅតែប្រាថ្នារូបសម្បត្តិល្អ និងមនុស្សល្អនៅជុំវិញខ្លួនឱ្យបានច្រើន។
៣. កុំឈប់
ជីវិតនេះ យើងតែងតែជួបបញ្ហា ដូចនេះហើយ យើងត្រូវរៀនដោះស្រាយបញ្ហាទាំងអស់នោះកុំឈប់ កុំបណ្ដោយឱ្យបញ្ហាក្នុងជីវិតបញ្ឈប់ក្ដីសុបិនរបស់អ្នក នេះជាសម្ដីរបស់យូប៊ីន។ កញ្ញា យូប៊ីន បន្តទៀតថា ជីវិតក្នុងវិស័យសិល្បៈ ប្រិយមិត្តនឹងឃើញតែស្នាមញញឹមនិងភាពល្អឡូយឆាយរបស់សិល្បករប៉ុណ្ណោះ តែធាតុពិតពួកគាត់មានបញ្ហាជាច្រើនបានកើតឡើងដូចមនុស្សទូទៅដែរ។ តែតួនាទីរបស់គាត់គឺនៅតែញញឹមនិងព្យាយាមបង្ហាញអ្វីដែលល្អសម្រាប់ទស្សនិកជន ដើម្បីឱ្យគ្រប់គ្នាមានកម្លាំងចិត្តយកឈ្នះបញ្ហាជីវិតរបស់ខ្លួន៕
