ផ្អែមល្ហែមណាស់! Brandon Flynn ផ្ញើសារជូនពរថ្ងៃខួបកំណើត Sam Smith

2018-05-20 03:42:27
ព័ត៌មាន

2018-05-20 03:42:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសៅរ៍ តារាសម្ដែង Brandon Flynn ដែលត្រូវជាមិត្តប្រុសរបស់តារាចម្រៀង Sam Smith បានបង្ហោះរូបភាពមួយសន្លឹកអមជាមួយសារជូនពរលើគណនី Instagram របស់លោក ដើម្បីផ្ញើជូនដល់គូសង្សាររបស់លោក ក្នុងថ្ងៃខួបកំណើតគម្រប់ ២៦ ឆ្នាំ។

រូបដែលបានបង្ហោះនោះដែរ ជារូបរបស់តារាចម្រៀង Sam Smith អង្គុយញញឹមនៅលើអគារមួយ ដោយបានរៀបរាប់សារដ៏វែងអន្លាយថា៖

“គាត់នៅតំបន់ផ្សេង ហើយថ្ងៃនេះជាថ្ងៃខួបកំណើតរបស់គាត់! គាត់ទើបតែបញ្ចប់ការប្រគំតន្ត្រីទេសចរណ៍នៅអឺរ៉ុប ហើយនៅវ័យ ២៦ ឆ្នាំនេះ គាត់បានបំពេញកិច្ចការបានច្រើនណាស់។ គាត់ជាទេពធីតា! គាត់បានធ្វើឲ្យខ្ញុំទទួលបានភាពសប្បាយរីករាយខ្លាំង ហើយខ្ញុំសង្ឃឹមថាគ្រប់គ្នានឹងទៅ ហើយចែករំលែកការស្រឡាញ់ក្នុងថ្ងៃខួបមួយនេះ។ វាមិនមែនជាការងាយស្រួលទេពេលវ័យរបស់យើងកាន់តែចាស់ទៅនោះ ប៉ុន្តែគាត់ធ្វើវាបានជាមួយនឹងការអនុគ្រោះ"។

ចុងបញ្ចប់នៃសារមួយនេះ តួអង្គប្រុសក្នុងរឿង”13 Reasons Why” បានបន្ថែមទៀតថា៖ "អរគុណសម្រាប់អ្វីៗគ្រប់យ៉ាង Sameul! រីករាយថ្ងៃខួបកំណើតគម្រប់ ២៦ ឆ្នាំ។ ឆ្នាំនេះជាឆ្នាំថ្មីដ៏អស្ចារ្យមួយសម្រាប់ជីវិតលោក!”។

គួរបញ្ជាក់ដែរថា ទំនាក់ទំនងគូស្នេហ៍តារាទាំង២រូបនេះ គឺកាន់តែផ្អែមល្ហែមឡើងពីមួយថ្ងៃទៅមួយថ្ងៃ បើទោះបីជាពួកគេទាំងពីរនាក់ស្រឡាញ់ភេទដូចគ្នាក៏ដោយ ក៏ពួកគេមិនដែលបិទបាំងពីទំនាក់ទំនងនោះឡើយ គឺថែមទាំងបានបង្ហាញឲ្យគ្រប់គ្នាបានដឹងពីស្នេហ៍ពិតរបស់ពួកគេថែមទៀតផង៕

ចុចអាន៖

ប្រភព៖ Dailymail ប្រែសម្រួល៖ អន សុភក្ត្រា