- 2018-05-21 08:20:00
- ជីវិតតារា
ពីអ្នករាំគ្មានលុយ១រៀលឥឡូវ សេដ្ឋី ក្លាយជាតារាចម្រៀងត្រូវប៉ាន់តាមប៉ុស្តិ៍ទូរទស្សន៍
- 2018-05-21 08:20:00
- ចំនួនមតិ 0 | ចំនួនចែករំលែក 0
ពីអ្នករាំគ្មានលុយ១រៀលឥឡូវ សេដ្ឋី ក្លាយជាតារាចម្រៀងត្រូវប៉ាន់តាមប៉ុស្តិ៍ទូរទស្សន៍
ចន្លោះមិនឃើញ
ហែលឆ្លងវិថីសិល្បៈអស់រយៈពេល ៧ឆ្នាំមកនេះកំលោះសង្ហា សេដ្ឋី បានជួបរឿងរ៉ាវជាច្រើនក្នុងជីវិតមុននឹងក្លាយខ្លួនជាតារាចម្រៀងត្រូវបានទូរទស្សន៍ និងក្រុមហ៊ុនមួយចំនួនទាក់ទងឲ្យច្រៀងតាមកម្មវិធីប្រគំតន្ត្រីដូចសព្វថ្ងៃ។
សេដ្ឋី ថា ចូលប្រឡូកសិល្បៈមុនដំបូងខ្លួនគឺជាអ្នករាំឲ្យតារាចម្រៀងមួយចំនួនឡើងច្រៀងនៅតាមប៉ុស្តិ៍ទូរទស្សន៍ និងតាមការប្រគំតន្ត្រី នៅតាមបណ្ដាខេត្ត ជូនពេលខ្លះទទួលបានកម្រៃ ហើយមានខ្លះមិនបានទទួលសូម្បីតែមួយរៀលក៏មានដែរ។ ទោះបីជាយ៉ាងនេះក្ដី កំលោះសង្ហាមកពីទីក្រុងភ្នំពេញ រូបនេះមិនបានបោះបង់ក្ដីស្រមៃចោលឡើយគឺលោក នៅតែតស៊ូក្រាញននៀល រហូតក្លាយជាតារាចម្រៀងមួយរូប។
ក្រោយមក សេដ្ឋី បានចូលក្រុមចម្រៀងជាមួយអ្នកនិពន្ធវ័យក្មេង រ៉ូណាន់ ចាន់ណា នឹងមានបទចម្រៀងចេញជាក្រុមលើកដំបូងមានដូចជាបទ "អ្នកថ្មី" បទ"Photos” និងជាច្រើនបទផ្សេងទៀត។ ក្រៅពីថតបទចម្រៀងហើយនោះ ខ្លួនក៏ត្រូវបានផលិតករវ័យក្មេងរូបនេះផ្ដល់ឱកាសឲ្យថតរឿងខ្នាតធំដាក់បញ្ចាំងនៅរោងកុនទៀតផង។
“ប៉ុន្តែគួរឲ្យស្ដាយបងក្រុមដែលបង្កើតឡើងជាមួយបង រ៉ូណាន់ នោះត្រូវរំសាយទៅវិញ ព្រោះម្នាក់ៗជាប់រវល់ការងាររៀងៗខ្លួនគ្មានពេលវេលាឲ្យគ្នាទៅវិញទៅមក។ ក្រោយពីក្រុមលែងដំណើរការតទៅទៀតខ្ញុំក៏មកផលិតបទចម្រៀងខ្លួនឯង១បទច្រៀងទោលម្នាក់ឯងលើកដំបូងគឺបទ"សំពត់ឆែក"។ នេះបើតាម សេដ្ឋី រៀបរាប់។
សេដ្ឋី ថា បន្ទាប់ពីបទ "សំពត់ឆែក" ចេញចរាចរណ៍នៅតាម Youtube រួចមកទទួលបានការចាប់អារម្មណ៍ពីទស្សនិកជន ហើយក៏មានបណ្ដាទូរទស្សន៍មួយចំនួនទាក់ទងមកឲ្យច្រៀងជាបន្តបន្ទាប់។ តែគួរឲ្យស្ដាយខ្លួនមានបទចម្រៀងទោលតែ ១បទទើបត្រូវបដិសេធប៉ុស្តិ៍ ព្រោះមិនចង់យកបទចម្រៀងដដែលទៅច្រៀង។ក្រៅពីការងារសិល្បៈ សេដ្ឋី ក៏ជាអ្នករាយការព័ត៌មានមួយរូប។
សេដ្ឋី ជាកូនអ្នកភ្នំពេញ ចូលប្រឡូកសិល្បៈមុនដំបូងនៅអំឡុងឆ្នាំ២០១២ បើគិតមកដល់ពេលនេះ មានរយៈពេល ៧ឆ្នាំ លោកមានបងប្អូនចំនួន ៤នាក់ ប្រុស៣ ស្រី១ ជាកូនទី៣ ក្នុងគ្រួសារ។ បច្ចុប្បន្នកំលោះសង្ហារូបនេះមានអាយុ ២៤ឆ្នាំ៕
