រឿងរ៉ាវភ្ញាក់ផ្អើលទាំង៦ ក្នុងពិធីរៀបអភិសេកផ្អើលពិភពលោករបស់ព្រះអង្គម្ចាស់ Harry និង Meghan

2018-05-21 14:11:00
ព័ត៌មាន

2018-05-21 14:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រះអង្គម្ចាស់ Harry បានរៀបអាពាហ៍ពិពាហ៍ជាមួយអតីតតារាសម្ដែង Meghan Markle នៅថ្ងៃសៅរ៍ ទី១៩ ខែឧសភានេះ ហើយពិធីជ័យមង្គលទាំងមូល បានធ្វើឡើងយ៉ាងឱឡារិក ។

ខាងក្រោមនេះ មានរឿងរ៉ាវទាំង៦ ដែលអ្នកប្រហែលជាអាចភ្ញាក់ផ្អើល៖

១. ការចំណាយ

ការចំណាយក្នុងពិធីអាពាហ៍ពិពាហ៍ព្រះអង្គម្ចាស់ Harry និង Meghan គឺអស់ប្រមាណជា ៤៥ លានដុល្លារ។ នេះបើតាមសារព័ត៌មាន CBS News ។

២. មុខម្ហូប

នៅក្នុងពិធីអាពាហ៍ពិពាហ៍នេះទាំងមូល គឺមានមុខម្ហូបប្រមាណជា ៧៥០០ មុខ ដែលធ្វើសំអិតសំអាងដោយចុងភៅ ២៥ នាក់។

៣. មនុស្សម្នាតម្រង់ជួរតាមដងផ្លូវ

នៅតាមដងផ្លូវ មានមនុស្សម្នាច្រើនជាង ១០០,០០០ នាក់ ដែលឈរជួររង់ចាំមើលរទេះពិធីមង្គលរបស់ព្រះអង្គម្ចាស់ Harry និង Meghan ។

៤. ផ្កាចម្រុះសម្រាប់អបអរសាទរ

នៅក្នុងពិធីជ័យមង្គលនេះ មានបណ្ដាប្រទេស Commonwealth ទាំង៥៣ ផ្ញើផ្កាតំណាងប្រទេសប្លែកៗគ្នាទាំង៥៣ប្រភេទ ដើម្បីអបអរសាទរ។

៥. ចំនួនអ្នកចែកចាយតាមបណ្ដាញសង្គម

នៅលើបណ្ដាញសង្គម Twitter មានអ្នកប្រើប្រាស់ ប្រមាណជា ៣.៤លាន បានចែកចាយព័ត៌មានពីពិធីអាពាហ៍ពិពាហ៍របស់ព្រះអង្គម្ចាស់ Harry និង Meghan ។

៦. ចំនួនអ្នកតាមដានពិធីអាពាហ៍ពិពាហ៍របស់ព្រះអង្គម្ចាស់ Harry និង Meghan ក្នុងសហរដ្ឋអាមេរិក

ក្នុងសហរដ្ឋអាមេរិក មានអ្នកទស្សនាប្រមាណជា ២៩.២ លាននាក់ តាមដានពិធីអាពាហ៍ពិពាហ៍របស់ព្រះអង្គម្ចាស់អង់គ្លេស។ ចំនួននេះ រៀងច្រើនជាងកាលពិធីជ័យមង្គលរបស់ព្រះអង្គម្ចាស់ William និង Kate Middleton ដែលមានអ្នកទស្សនាក្នុងសហរដ្ឋអាមេរិកប្រមាណជា២២.៨ លាននាក់ ប៉ុណ្ណោះ។

សូមបញ្ជាក់ផងដែរ កាលពិធីអាពាហ៍ពិពាហ៍ព្រះអង្គម្ចាស់ William និង Kate Middleton មានការចាក់ផ្សាយតែ ១១ប៉ុស្តិ៍ ក្នុងសហរដ្ឋអាមេរិក តែពេលនេះ មានដល់ទៅ១៥ប៉ុស្តិ៍៕

ប្រភព៖ Eonline ប្រែសម្រួល៖ ម៉េង សុខហួយ