- 2018-05-31 05:30:00
- ស្ទីលតារា
គាប់ជួនម្ល៉េះ! ជាឡាយ និងវៃហាំង ចាយក្បែរម៉ឺនដុល្លារទិញសម្លៀកបំពាក់ក្នុង១ឆ្នាំៗ
- 2018-05-31 05:30:00
- ចំនួនមតិ 0 | ចំនួនចែករំលែក 0
គាប់ជួនម្ល៉េះ! ជាឡាយ និងវៃហាំង ចាយក្បែរម៉ឺនដុល្លារទិញសម្លៀកបំពាក់ក្នុង១ឆ្នាំៗ
ចន្លោះមិនឃើញ
មួយរយៈចុងក្រោយនេះតារាសម្ដែង លឹម ជាឡាយ និង ខាត់ វៃហាំង មមាញឹកខ្លាំងជាមួយការងារសិល្បៈស្ទើររកពេលសម្រាកមិនចង់បាន។ ជាពិសេសទាក់ទងរឿងសម្ដែងតែម្ដងដល់ថ្នាក់ធ្វើឲ្យកំលោះសង្ហាទាំងពីររូបនេះ ចាយលុយក្បែរម៉ឺនដុល្លារអាមេរិកក្នុង១ឆ្នាំៗ ដើម្បីទិញសម្លៀកបំពាក់ថតរឿង និងចូលរួមកម្មវិធីផ្សេងៗ។
តួឯកប្រុសក្នុងរឿង "ថ្ងៃមុនស្អប់ ថ្ងៃនេះស្រឡាញ់" លឹម ជាឡាយ បង្ហើបថា ក្នុង១ឆ្នាំៗខ្លួនចំណាយលុយមិនក្រោម ៦ ០០០ ទៅ ៧ ០០០ ដុល្លារអាមេរិកនោះទេ ដើម្បីទិញសម្លៀកបំពាក់ថតរឿង និងចូលរួមកម្មវិធីផ្សេងៗដូចជា មង្គលការ និងខួបកំណើតជាដើម។ ម្យ៉ាងទៀតក្នុងនាម លោកជាអ្នកសិល្បៈមិនត្រូវធ្វើអ្វីដដែលៗឡើយ ត្រូវយកអ្វីដែលថ្មីដើម្បីបំពេញចិត្តទស្សនិកជន។
ការចំណាយថវិកាច្រើនទិញសម្លៀកបំពាក់អស់ខ្ទង់ក្បែរម៉ឺនដុល្លារ ដូច្នេះដោយសារតែក្នុង១ឆ្នាំ លោកទទួលថតចន្លោះពី ៤ ទៅ ៥រឿង ហើយការស្លៀកពាក់ត្រូវផ្លាស់ប្ដូរគ្រប់ពេល នៅរឿងថ្មីៗក្រោយទៀតមិនអាចយកដដែលមកស្លៀកបានទេ។
លោកថា៖“តែបើរឿងថតបែបលក្ខណៈស្រុកស្រែមិនសូវចំណាយអស់ច្រើនទេ យើងអាចយកសម្លៀកបំពាក់ចាស់ៗដែលយើងថតកន្លងមកយកមកស្លៀកបាន មិនដូចរឿងដើរតួកូនអ្នកមាននៅក្រុងទេ សម្លៀកបំពាក់ដឹងតែថ្មីរហូតហើយ"។
បើនិយាយពីតួឯកប្រុសក្នុងរឿង "អនុស្សាវរីយថ្ងៃចូលឆ្នាំ" ខាត់ វៃហាំង វិញចំណាយមិនខុសពី លឹម ជាឡាយ ឡើយដោយក្នុងមួយឆ្នាំលោក ត្រូវចាយលុយពី ៦ ០០០ ទៅ ៨ ០០០ ដុល្លារអាមេរិក ដើម្បីទិញសម្លៀកបំពាក់ថតរឿង និងចូលរួមកម្មវិធីផ្សេងៗ។
បានជា ខាត់ វៃហាំង ចំណាយលុយច្រើនដូច្នេះក្នុងការទិញសម្លៀកបំពាក់ថតរឿង ព្រោះភាគច្រើនរឿងដែលលោកទទួលថតសុទ្ធតែរឿងភាគ ប្រើរយៈពេលយូរក្នុងការថត។
“ហើយសម្រាប់ខ្ញុំមនុស្សប្រុសចំណាយអស់ប៉ុណ្ណឹងក្នុង១ឆ្នាំ ហើយខ្ញុំគិតថា មនុស្សស្រីគាត់ចំណាយអស់ច្រើនលើសហ្នឹងទៀត ព្រោះមនុស្សប្រុសអាចប្រើខោដដែលបាន គ្រាន់តែប្ដូរអាវច្នៃទៅតាមហ្នឹង បើថាមនុស្សស្រីវិញបើប្ដូរគឺប្ដូរទាំងអស់ហើយ"៕
