ខំជួយរកយុត្តិធម៌ជួយជនរងគ្រោះបៀតបៀនផ្លូវភេទ តែ Suzy បែរជាជាប់ជង់ខ្លួនឯងទៅវិញ

2018-06-11 09:10:00
ព័ត៌មាន

2018-06-11 09:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មានសេចក្ដីរាយការណ៍មួយថា ស្ទូឌីយោ Once Picture បានដាក់ពាក្យបណ្ដឹងទៅកាន់តារាចម្រៀង Suzy បន្ទាប់ពីផ្សព្វផ្សាយឲ្យមានការប្ដឹងតវ៉ាចោទប្រកាន់មកកាន់ស្ទូឌីយោ ដែលមានរឿងរ៉ាវជាប់ពាក់ព័ន្ធនឹងករណីបៀតបៀនផ្លូវភេទជាមួយនារីម្នាក់ឈ្មោះ Yang Ye Won។

Suzy

តារា YouTube ម្នាក់ដែលមានឈ្មោះ Yang Ye Won បានបង្ហោះវីដេអូមួយ ដោយបើកកកាយខ្ទេចគ្មានសល់ថាបុរស ២០នាក់បានមកបៀតបៀនរាងកាយនាងជាច្រើនលើកច្រើនសា។ បន្ទាប់បានស្រាវជ្រាវអស់មួយរយៈមក អ្នកប្រើបណ្ដាញអ៊ីនធឺណិតក៏បានរកឃើញថា ស្ទូឌីយោដែលបានប្រព្រឹត្តិអំពើមិនល្អដាក់នារីភេទនេះ មានទីតាំងស្ថិតនៅតំបន់ Hapjeong ទីក្រុងសេអ៊ូល។

Yang Ye Won

គ្រប់គ្នាថែមទាំងបានចាប់ផ្ដើមធ្វើយុទ្ធនាការដាក់ពាក្យប្ដឹងទាមទារយុត្តិធម៌ឲ្យ Yang Ye Won ទៀតផង ដោយថែមទាំងស្រង់ឈ្មោះស្ទូឌីយោនៅទីតាំងខាងលើទៀតផង។ ក្នុងចំណោមអ្នកទាំងនោះ ក៏មានការចូលរួមពី Suzy ដែរ។ នាងបានបង្ហោះរូបភាពបញ្ជាក់ ពីបំណងគាំទ្រយុទ្ធនាការនេះលើ Instagram Story ទៀតផង។

ជាអកុសល លិខិតប្ដឹងនោះបានចុះឈ្មោះស្ទូឌីយោខុស។ ដោយសារការយល់ច្រឡំនេះហើយ ទើបធ្វើឲ្យស្ទូឌីយោផ្សេងទៀតដែលមានទីតាំងនៅតំបន់នោះដែរ ឈ្មោះ ថា Once Picture ត្អូញត្អែរថាខ្លួនប្រឈមនឹងហានិភ័យខ្ពស់ ខណៈគ្រប់គ្នាគិតមិនល្អមកកាន់ស្ទូឌីយោ។ ដោយសារហេតុផលនេះ ទើបស្ទូឌីយោនេះសម្រេចដាក់ពាក្យប្ដឹងតប Suzy និងមនុស្ស ២នាក់ផ្សេងទៀតដែលជាប់ពាក់ព័ន្ធ និងបង្កើតពាក្យប្ដឹងនេះឡើង។

Once Picture Studio

ចំណែកខាងផលិតកម្ម JYP វិញ ក៏បានបង្ហើបដែរថា Suzy មិនទាន់ទទួលរឿងក្ដីអ្វីនៅឡើយទេ ប៉ុន្តែក្រុមហ៊ុននឹងមើលការខុសត្រូវពីបញ្ហានេះ។

ជាមួយគ្នានោះដែរ Suzy ក៏បានសុំទោសសម្រាប់ការគាំទ្រការទាមទារយុត្តិធម៌ និងប្ដឹងច្រឡំស្ទូឌីយោដែលគ្មានកំហុសនេះ។ នាងបានបន្ថែមថានេះជាកំហុសរបស់នាង ដែលមិនបានពិនិត្យព័ត៌មានឲ្យល្អិតល្អន់ជាមុន មុនជឿ។