• 2018-06-14 03:40:33
  • ចម្រៀង

មិននឹកស្មានថា កង ពិសិដ្ឋ មានប្រវត្តិក្នុងការតែងនិពន្ធបទភ្លេង និងទំនុកចម្រៀងជោកជាំដល់ម្ល៉ឹងសោះ

  • 2018-06-14 03:40:33
  • ចំនួនមតិ 0 | ចំនួនចែករំលែក 0

ចន្លោះមិនឃើញ

កង ពិសិដ្ឋ ក្នុងវ័យ៣១ឆ្នាំ លោកទទួលបានបទពិសោធន៍ច្រើនទាក់ទងទៅនឹងការតែងនិពន្ធទំនុកចម្រៀង បទភ្លេង និងច្រៀង។ មិនលាក់បាំងទេ លោកថាតន្ត្រីជាមិត្តដ៏ជិតស្និទ្ធរបស់លោកតាំងពីអាយុ៨ឆ្នាំ មកម្ល៉េះ ដោយលោកមានឪពុកជាតន្រ្តីករ ឯម្តាយជាអ្នកចម្រៀង។

អាចថាជានិស្ស័យ និងមានឈាមជ័រជាកូនអ្នកសិល្បៈផងនោះ បានជំរុញទឹកចិត្តលោកឲ្យស្រលាញ់តន្រ្តីកាន់តែខ្លាំងឡើង ថែមទាំងចាប់យកអាជីពនេះដោយមិនដឹងខ្លួន។ មកទល់ពេលនេះ មានរយៈពេល២០ឆ្នាំជាងហើយដែលលោក កង ពិសិដ្ឋ រស់នៅជាមួយការតែងនិពន្ធចម្រៀង បទភ្លេង និងច្រៀង។

ក្រោយបានបញ្ចប់ការសិក្សានៅសាកលវិទ្យាល័យភូមិន្ទវិចិត្រសិល្បៈ លោក កង ពិិសិដ្ឋ ចាប់ផ្តើមការងារជាតន្រ្តីករដំបូងនៅក្លឹបកម្សាន្ត Spark លុះក្រោយមកទៀតទើបលោកចូលធ្វើការប្រចាំកម្មវិធីកម្សាន្តមួយនៅស្ថានីយទូរទស្សន៍៍បាយ័ន។

តន្ត្រីករវ័យក្មេង និងជាអ្នកចម្រៀងផងនោះ កង ពិសិដ្ឋ បានបន្ថែមថា​ "ខ្ញុំឮភ្លេងតាំងពីនៅក្នុងពោះ ដូច្នេះទើបមាននិស្ស័យខាងតែងនិពន្ធ... ដល់ពេលខ្ញុំបានមកដល់ពេលនេះ មិនមែនយើងចេះតែងធ្វើឲ្យរួចពីដៃនោះទេ"។

នៅឆ្នាំ២០០៦ លោកបានង្កើតក្រុម Coconut band មានសមាជិកចំនួន៥នាក់ ដែលមកដល់ពេលនេះចេញបានប្រហែលជា២-៣អាល់ប៊ុមចម្រៀង ដោយបទចម្រៀងទាំងអស់នោះក្រុមលោកតែងនិពន្ធ និងច្រៀងដោយខ្លួនឯង។

និយាយដល់ចំណុចនៃភាពជោគជ័យ លោក កង ពិសិដ្ឋថា មិនអាចប្រាកដថាលោកទទួលបានជោគជ័យនោះទេ តែបទពិសោធការងាររបស់លោក គឺលោកទទួលបានលទ្ធផលល្អច្រើន។ "សម្រាប់ភាសាតន្ត្រីវាមានច្រើនមិនមែនតែលើណោតភ្លេងនោះទេ ហើយអ្វីដែលយើងបង្កើតថ្មី គឺយើងអាចនិយាយបានថាវាជា "Orignal" ព្រោះពួកយើងចេញពីសាលាត្រឹមត្រូវ ចេះច្បាស់លាស់ក្នុងតែងនិពន្ធក៏ដូចការប្រើប្រាស់សំឡេង និងចេះមើលណោតភ្លេងមិនមែនធ្វើតាមការស្រមើស្រមៃ អីចឹងស្នាដៃនីមួយៗសម្រិតសម្រាំងមែនទែន ទម្រាំបានចម្រៀងមួយបទយកមកស្តាប់"។

ថ្មីៗនេះក្រុម Coconut band ដោយត្រៀមចេញអាល់ប៊ុមថ្មីក្នុងពេលឆាប់ៗខាងមុខនេះ។

ទស្សនាបទសម្ភាសខ្លីអំពីបទពិសោធន៍តែងនិពន្ធ របស់លោក កង ពិសិដ្ឋ ខាងក្រោមនេះ៖

អត្ថបទ៖ សិរីរត្នន៍

ផ្តល់សិទ្ធិដោយ៖ លោក កង​ ពិសិដ្ឋ

មតិយោបល់