- 2018-06-14 01:55:41
- ចម្រៀង
Bom បង្ហាញតម្រុយបទថ្មី និងឆ្លើយតបទៅអ្នកគាំទ្ររឿងនាងកែមុខបន្ថែម
- 2018-06-14 01:55:41
- ចំនួនមតិ 0 | ចំនួនចែករំលែក 0
Bom បង្ហាញតម្រុយបទថ្មី និងឆ្លើយតបទៅអ្នកគាំទ្ររឿងនាងកែមុខបន្ថែម
ចន្លោះមិនឃើញ
កាលពីប៉ុន្មានថ្ងៃមុន Park Bom បានចេញមុខជាលើកដំបូងនិយាយពីគម្រោងក្នុងការវិលត្រឡប់មកវិញជាមួយបទថ្មី ដែលបង្កឲ្យអ្នកគាំទ្រមិនតិចទេរំភើបនឹងដំណឹងនេះ។
មនុស្សមួយចំនួនជឿជាក់ថាតារាស្រីអតីតសមាជិកក្រុម 2NE1 រូបនេះ បានបង្ហាញតម្រុយមួយចំនួនលើគណនី Instagram របស់ខ្លួនហើយទាក់ទងនឹងបទថ្មី។ វីដេអូឃ្លីបដែលបានបង្ហោះថ្មីចុងក្រោយនេះ Bom បាន Tag ឲ្យផលិតករម្នាក់មានឈ្មោះល្បីគួរសមមានឈ្មោះ Scotty Kim។ មិនត្រឹមតែប៉ុណ្ណោះ នាងក៏មិនភ្លេច Tag ឲ្យអ្នកដឹកនាំ Ray Yeom ផងដែរ។
អាចសន្មតបានថា នេះជាតម្រុយគ្រប់គ្រាន់មួយសម្រាប់អ្នកគាំទ្រស្មោះស្ម័គ្ររបស់ Park Bom ដែលតែងទន្ទឹងរង់ចាំផ្លូវតារាសំណព្វចិត្តខ្លួនរូបនេះត្រឡប់មកកាន់ក្បាលមេក្រូជាថ្មីក្រោយក្រុម 2NE1 ត្រូវបានរំសាយ និងឆ្លងកាត់ព្យុះភ្លៀងជាច្រើននាពេលកន្លងមក។
ជាមួយគ្នានោះក៏ស្រាប់តែមានព័ត៌មានថ្មីមួយទៀត ទាក់ទងនឹងសម្រស់របស់នាងបច្ចុប្បន្ន។ អ្នកគាំទ្រម្នាក់បានសួរ Bom ដោយចង់ដឹងថា តើនាងវះកាត់មុខជាថ្មី ឬយ៉ាងណា ព្រោះមុខនាងហាក់ប្លែកជាងមុន។ ភ្លាមៗតារាស្រីរូបនេះក៏បានឆ្លើយតបតាមសម្រួល ថានាងមិនបានកែកុនអ្វីបន្ថែមនោះទេ៕
