- 2018-06-19 03:10:51
- ព័ត៌មាន
រូបភាពកម្ររបស់គ្រួសារឈិន ឡុងកាលពីអតីតកាល ចាក់ដោតបំផុតក្នុងថ្ងៃទិវាឪពុក
- 2018-06-19 03:10:51
- ចំនួនមតិ 0 | ចំនួនចែករំលែក 0
រូបភាពកម្ររបស់គ្រួសារឈិន ឡុងកាលពីអតីតកាល ចាក់ដោតបំផុតក្នុងថ្ងៃទិវាឪពុក
ចន្លោះមិនឃើញ
ដើម្បីអបអរទិវាឪពុកដ៏មានន័យបំផុតក្នុងឆ្នាំនេះ តារាសម្ដែងក្បាច់គុន Jackie Chan ឬ ឈិនឡុង បានបង្ហាញរូបភាពជាច្រើនសន្លឹកដែលបានថតជាមួយលោកឪពុករបស់ខ្លួន។
កាលពីថ្ងៃទី ១៧ ខែមិថុនា ឆ្នាំ ២០១៨ ចំនឹងទិវាបិតា កំពូលតារាប្រុសដែលមានឈ្មោះល្បីសុសសាយពេញពិភពលោក ឈិនឡុង បានបង្ហោះរូបភាពដែលកម្រឃើញពីមុន ដើម្បីជាការរម្លឹកដឹងគុណចំពោះលោកឪពុករបស់លោក។ ភ្ជាប់ជាមួយរូបភាពនោះ តារាប្រុសវ័យ ៦៤ឆ្នាំរូបនេះក៏បានសរសេរសំណេរខ្លីបង្កប់ន័យជ្រៅថា៖ "ថ្ងៃនេះជាទិវាលោកឪពុក ខ្ញុំពិតជានឹកប៉ាណាស់។ នៅពេលខ្ញុំនៅតូច ប៉ារបស់ខ្ញុំកម្រទិញកាដូឲ្យខ្ញុំណាស់ ប៉ុន្តែបើឲ្យ គឺកាដូទាំងនោះសុទ្ធតែដូចៗគ្នា។ ខ្ញុំតែងរក្សាវាទុកយ៉ាងល្អ ហើយថ្ងៃនេះខ្ញុំចង់ជូនកាដូដល់គាត់។ បទចម្រៀងដែលមានចំណងជើងថា «Ai Qing Lao Le» ជាបទចម្រៀងដែលខ្ញុំច្រៀងជូនម៉ាក់ ជំនួសប៉ា។ វាជាបទដែលកត់ត្រានូវរឿងរ៉ាវក្ដីស្រឡាញ់របស់អ្នកទាំង ២”។
ក្រៅពីរូបភាពជាមួយឪពុក និងម្ដាយឈិនឡុងក៏បង្ហាញរូបកូនប្រុសរបស់លោកកាលពីនៅតូច និងប្រពន្ធដែលថតជុំគ្នាជាលក្ខណៈគ្រួសារកាលពីអតីតតកាលដែរ៕