- 2018-06-19 03:50:00
- ព័ត៌មាន
តារាចម្រៀងរ៉េបម្នាក់ ត្រូវគេបាញ់ស្លាប់នៅរដ្ឋហ្លរីដា
- 2018-06-19 03:50:00
- ចំនួនមតិ 0 | ចំនួនចែករំលែក 0
តារាចម្រៀងរ៉េបម្នាក់ ត្រូវគេបាញ់ស្លាប់នៅរដ្ឋហ្លរីដា
ចន្លោះមិនឃើញ
តារាចម្រៀងរ៉េប XXXTentacion ត្រូវគេបាញ់ស្លាប់នៅនឹងកន្លែង ក្នុងករណីប្លន់ នៅតំបន់ Broward County រដ្ឋហ្លរីដា នេះបើតាមរបាយការណ៍ពីប៉ូលិស។
តារាដែលត្រូវគេបាញ់សម្លាប់នេះ មានវ័យទើបតែ២០ឆ្នាំតែប៉ុណ្ណោះ មានឈ្មោះពិត Jahseh Onfroy។ ហេតុការណ៍នេះកើតឡើងនៅពេលលោក បានចាកចេញពីហាងឈ្មោះ Motorsports នៅមុនម៉ោង៤រសៀលបន្តិច។ ជនសង្ស័យដែលបានបាញ់សម្លាប់តារានេះ មានពីររូបដែលបានជិះរថយន្ត SUV ពណ៌ខ្មៅ ហើយក៏បាញ់សម្លាប់លោកតែម្ដងនេះបើតាមការរាយការណ៍ពីលោក Key Concepcion ប៉ូលិសប្រចាំតំបន់នោះ។
ជនសង្ស័យទាំងពីររូបនេះកំពុងតែ ត្រូវបានស៊ើបអង្កេតនិងស្វែងរក ដើម្បីយកមកផ្ដន្ទាទោសតាមច្បាប់។
XXXTentacion ជាតារាមានប្រភពមកពីរដ្ឋហ្លរីដាផ្ទាល់តែម្ដង បានចាប់ផ្ដើមល្បីឈ្មោះកាលពីឆ្នាំ ២០១៦ តាមរយៈបទ "Look at Me” របស់លោកដែលបានដាក់បង្ហោះលើ SoundCloud។
បន្ទាប់ពីលោកស្លាប់ តារាចម្រៀងជាច្រើនរូបបានបង្ហោះសារលើ Twitter ដើម្បីជួយរំលែកទុក្ខ ក៏ដូចជារំឭកនូវស្នាដៃរបស់លោកផងដែរ៕
