- 2018-07-04 09:33:19
- ជីវិតតារា
ម៉ានិត ផ្អាកអាជីពជាអ្នកចម្រៀងមួយរយៈ យកពេលមកផ្តោតលើការងារដ៏ជក់ចិត្តមួយ (វីដេអូ)
- 2018-07-04 09:33:19
- ចំនួនមតិ 0 | ចំនួនចែករំលែក 0
ម៉ានិត ផ្អាកអាជីពជាអ្នកចម្រៀងមួយរយៈ យកពេលមកផ្តោតលើការងារដ៏ជក់ចិត្តមួយ (វីដេអូ)
ចន្លោះមិនឃើញ
បន្ទាប់ពីបានចាកឆ្ងាយពីផលិតកម្ម Pleng Record តារាចម្រៀង ម៉ានិត មិនទាន់ចូលច្រៀងនៅផលិតកម្មណានៅឡើយទេ។ ម្ចាស់បទ "មាននាងក៏ធុញ គ្មាននាងក៏ធុញ" ប្រាប់ថា លោកចង់ដកឃ្លាមួយរយៈលើការច្រៀង និងសរសេរបទចម្រៀង ដែលធ្លាប់ចំណាយពេលច្រើនឆ្នាំលើការងារនេះ ហើយងាកមកផ្ដោតលើការតែងនិពន្ធរឿងវិញ។
កន្លងមកក៏មានផលិតកម្មជាច្រើនបានទាក់ទង តារាចម្រៀងវ័យ២២ឆ្នាំរូបនេះផងដែរ ប៉ុន្តែ ម៉ានិតបដិសេធ ។ ចៅប្រុសអ្នកស្រី ពាន់ភួងបុប្ផា រូបនេះ ហាក់ជក់ចិត្តនឹងការងារនិពន្ធប្រលោមលោកខ្លាំងណាស់ ក្រោយពីស្នាដៃជាច្រើនទទួលបានការសរសើរ រហូតប្រលោមលោក "បេសសកម្មមួយ" ត្រូវបានយកទៅថតជាខ្សែភាពយន្តភាគ ដាក់បញ្ចាំងលើកញ្ចក់ទូរទស្សន៍។ មួយរយៈនេះ ម៉ានិត កំពុងមមាញឹកនឹងការតែងនិពន្ធរឿង និងជំនាញថ្មីៗដូចជា Graphic Design និង Photograph ដែលខ្លួនខំប្រឹងសិក្សាបន្ថែម។
បើទោះងាកមកផ្ដោតលើការសរសេរសៀវភៅច្រើនក៏ពិតមែន តែម៉ានិតមិនបោះបង់ចោលការច្រៀងទាំងស្រុងទេ ដោយលោកនៅតែបន្តផលិតបទចម្រៀង Original Song បង្ហោះលើ Page របស់ខ្លួន ដើម្បីអង្រួនដួងចិត្តប្រិយមិត្តដូចមុន៕
