/5b3edbca584a8_1530846120_medium.jpg)
- 2018-07-06 03:16:13
- ព័ត៌មាន
មហាជនកូរ៉េប្រើសម្ដីវាយប្រហារ Park Bom ក្រោយនាងធ្វើកាយវិការ "2NE1 ជារៀងរហូត"
- 2018-07-06 03:16:13
- ចំនួនមតិ 0 | ចំនួនចែករំលែក 0
មហាជនកូរ៉េប្រើសម្ដីវាយប្រហារ Park Bom ក្រោយនាងធ្វើកាយវិការ "2NE1 ជារៀងរហូត"
ចន្លោះមិនឃើញ
មហាជនដែលជាជនជាតិកូរ៉េបានប្រើប្រាស់សម្ដីវាយប្រហារ និងរិះគន់តារាចម្រៀង Park Bomសាជាថ្មី ក្រោយនាងបង្ហោះរូបមួយសន្លឹកដែលមានន័យថា "2NE1 ជារៀងរហូត"។
ប្រិយមិត្តប្រាកដជាបានចាប់អារម្មណ៍ហើយថា កាលពីពេលថ្មីៗនេះ តារាចម្រៀង Park Bom ហាក់ដូចជាសកម្មខ្លាំងលើបណ្ដាញសង្គម Instagram ខណៈនាងបានប្រកាសថានឹងត្រឡប់មកវិញជាមួយបទចម្រៀងថ្មី។
ប៉ុន្មានថ្ងៃមុននោះដែរ តារាចម្រៀងស្រីរូបនេះ បានបង្ហោះរូបភាពមួយសន្លឹកដែលបង្ហាញពីដៃរបស់នាងធ្វើជាសញ្ញា "2NE1 Forever” ឬ "2NE1 ជារៀងរហូត"។ រូបភាពមួយសន្លឹកនេះ បានធ្វើឲ្យមហាជនកូរ៉េមួយចំនួនមានការមិនពេញចិត្ត និងបានចោទប្រកាន់ ស្ដីបន្ទោសតារាចម្រៀងរូបនេះថែមទៀតផង។
ជាមួយនឹងសម្ដីរិះគន់ បន្ទោសទាំងនោះ មនុស្សមួយចំនួនបានចោទថា ដោយសារតែរឿងអាស្រូវរបស់នាង ទើបធ្វើឲ្យក្រុម 2NE1 ត្រូវបែកបាក់គ្នា និងមួយចំនួនទៀតថា គឺតារាចម្រៀងរូបនេះហើយ ជាអ្នកបំផ្លាញក្រុមរបស់ខ្លួនឯងនោះ។
ទោះជាយ៉ាងណាក៏ដោយ អ្នកគាំទ្ររបស់នាង នៅតែមានការលើកទឹកចិត្ត និងអាណិតស្រឡាញ់រូបនាងជានិច្ច បើទោះបីជាកេរ្តិ៍ឈ្មោះរបស់នាង ត្រូវបានមនុស្សមួយចំនួនស្អប់ខ្ពើមក្ដី៕
