- 2018-07-11 03:50:00
- ស្ទីលតារា
Taylor Swift បង្ហើបពីដំណើរការនិពន្ធបទចម្រៀង ពេលថតក្របមុខទស្សនាវដ្ដី Harper's Bazaar
- 2018-07-11 03:50:00
- ចំនួនមតិ 0 | ចំនួនចែករំលែក 0
Taylor Swift បង្ហើបពីដំណើរការនិពន្ធបទចម្រៀង ពេលថតក្របមុខទស្សនាវដ្ដី Harper's Bazaar
ចន្លោះមិនឃើញ
Taylor Swift បានបង្ហាញស្ទីលថ្មីពេលបង្ហាញមុខ ដើម្បីថតជាក្របទស្សនាវដ្ដី Harper's Bazaar ច្បាប់ថ្មី។ សម្រាប់ច្បាប់គ្រោងបញ្ចេញខែសីហា ម្ចាស់បទ "Look What You Made Me Do” បានតែងខ្លួនជានារីម្នាក់ដែលនិយមស្ទីលសម្លៀកបំពាក់ពីតារាល្បីមួយរូបក្នុងទសវត្សទី ៦០គឺ Pattie Boyd។
មិនត្រឹមតែប៉ុណ្ណោះ Taylor ដែលកំពុងតែមមាញឹកក្នុងការប្រគំតន្ត្រីទេសចរណ៍ Reputation ក៏បាននិយាយខ្លះៗពាក់ព័ន្ធនឹងដំណើរការនិពន្ធបទចម្រៀងរបស់នាងផងដែរ ដែលវាមានលក្ខណៈងាយស្រួលមិនសូវច្របូកច្របល់ ដូចកាលពីនាងចាប់ផ្ដើម១៦ឆ្នាំមុនអីចឹង។ តារារូបនេះបញ្ជាក់ថា ការនិពន្ធបទចម្រៀងគឺទាមទារនូវការចាប់យកឱកាសឬការចងចាំណាមួយ អំពីមនុស្សឬវត្ថុអ្វីមួយដែលមានសកម្មភាពនិងឥទ្ធិពលមកលើនាង។ ដូច្នេះនាងតែងតែមានប្រធានបទថ្មីៗដើម្បីយកមកនិពន្ធជានិច្ចមិនចេះអស់ទេ។
តារាវ័យ ២៨ឆ្នាំរូបនេះ បាននិយាយអំពីការប្រដូចជីវិតរបស់នាងជាមួយ តារាល្បី Pattie ថា ជីវិតរបស់ពួកគេទាំងពីរសុទ្ធតែ ពាក់ព័ន្ធនឹងការនិពន្ធ និងបកស្រាយចម្រៀង ដូច្នេះហើយទើប Taylor ដកស្រង់យកស្ទីលនៃការស្លៀកពាក់របៀបនេះមកបង្ហាញនៅលើក្របទស្សនាវដ្ដី។
ចំពោះរូបថតទាំងនេះ Taylor បានតែងខ្លួនដោយប្រើឈុតសម្លៀកបំពាក់ពី Givenchy និងថតដោយអ្នកថតរូបជំនាញ លោក Alexi Lubomirski៕