- 2018-07-11 23:50:00
- ភាពយន្ត
ខ្សែភាពយន្តណាខ្លះ រកចំណូលបានខ្ទង់រាប់ពាន់លានដុល្លារ ក្នុងឆ្នាំ ២០១៨នេះ?
- 2018-07-11 23:50:00
- ចំនួនមតិ 0 | ចំនួនចែករំលែក 0
ខ្សែភាពយន្តណាខ្លះ រកចំណូលបានខ្ទង់រាប់ពាន់លានដុល្លារ ក្នុងឆ្នាំ ២០១៨នេះ?
ចន្លោះមិនឃើញ
ឆ្នាំ ២០១៨ គឺជាឆ្នាំមួយសម្រាប់អ្នកដែលចូលចិត្តមើលខ្សែភាពយន្ត ព្រោះថាក្នុងឆ្នាំនេះដែរ ភាពយន្តល្បីៗជាច្រើនបានចាក់បញ្ចាំងបន្តបន្ទាប់គ្នា។ ជាមួយនឹងទេពកោសល្យសម្ដែង បូករួមនឹងសាច់រឿងនៃភាពយន្តផ្ទាល់ ប្រាកដណាស់ថា ខ្សែភាពយន្តមួយចំនួនគឺរកចំណូលបានមិនធម្មតានោះទេ មិនថាសម្រាប់ក្នុងស្រុក ឬនៅបរទេសឡើយ។
ខាងក្រោមនេះ ជាខ្សែភាពយន្តល្បីៗ ៣ រឿង ដែលរកចំណូលបានច្រើនជាងគេរហូតដល់ខ្ទង់ប៊ីលានដុល្លារ រាប់បញ្ចូលទាំងចំណូលរកបានក្នុងស្រុក នៅបរទេស និងសរុបទាំងអស់ នេះបើតាម Box Office Mojo៖
១. រឿង "Jurassic World: Fallen Kingdom”
សម្រាប់រឿងមួយនេះដែរ ចំណូលក្នុងស្រុករកបាន ៣៣៣,៣៤២,៦៦៥ដុល្លារ ចំណែកក្រៅស្រុកវិញរកបាន ៧២៥,៣០០,០០០ដុល្លារ និងចំណូលសរុបទាំងក្នុងនិងក្រៅស្រុកទទួលបានចំនួន ១,០៥៨,៥៤២,៦៦៥ ដុល្លារ។
២. រឿង "Black Panther”
រឿងដែលទទួលបានភាពល្បីល្បាញខ្លាំងនេះ ក្នុងស្រុករកចំណូលបាន ៦៩៩,៨៨២,៧០៧ ដុល្លារ ក្រៅស្រុកចំនួន ៦៤៦,៦៥៣,៣០៤ ដុល្លារ ចំណែកចំណូលសរុបវិញ គឺមានចំនួន ១,៣៤៦,៥៣៦,០១១ដុល្លារ។
៣. រឿង "Avengers: Infinity War”
រឿងដែលទទួលបានភាពជោគជ័យខ្លាំងមួយនេះដែរ ទទួលបានប្រាក់ចំណូលច្រើនជាងគេបង្អស់ បើធៀបទៅនឹងរឿងផ្សេងៗ។ ប្រាក់ចំណូលក្នុងស្រុករកបានចំនួន ៦៧៤,៧៩៤,៤៧៤ដុល្លារ រីឯក្រៅស្រុករកចំណូលបាន ១,៣៦៥,០៨៨,៥៦៣ដុល្លារ ចំណែកប្រាក់ចំណូលសរុបពាសពេញពិភពលោក គឺមួយរឿងនេះទទួលបានចំនួន ២,០៣៩,៨៨៣,០៣៧ ដុល្លារឯណោះ៕