- 2018-07-12 07:35:14
- ព័ត៌មាន
មនុស្សរាប់ពាន់ចុះធ្វើយុទ្ធនាការបិទសារព័ត៌មាន Dispatch ក្រោយមានបញ្ហាជាមួយ YG
- 2018-07-12 07:35:14
- ចំនួនមតិ 0 | ចំនួនចែករំលែក 0
មនុស្សរាប់ពាន់ចុះធ្វើយុទ្ធនាការបិទសារព័ត៌មាន Dispatch ក្រោយមានបញ្ហាជាមួយ YG
ចន្លោះមិនឃើញ
Dispatch គឺជាសារព័ត៌មានមួយប្រចាំប្រទេសកូរ៉េដែលផ្ដោតសំខាន់លើព័ត៌មានទាន់ហេតុការណ៍នៃសង្គមសិល្បៈកម្សាន្តកូរ៉េ។ កាលពីពេលថ្មីៗនេះ ខាងសារព័ត៌មានមួយនេះ បានចុះផ្សាយបញ្ហាព័ត៌មានផ្លូវក្នុងមួយចំនួនដែលពាក់ព័ន្ធនឹងតារាៗក្នុងផលិតកម្ម YG បានធ្វើឲ្យមហាជនមានការចាប់អារម្មណ៍ជាខ្លាំង។
ព័ត៌មានដំបូងដែលខាងសារព័ត៌មាននេះលើកឡើងមកនោះ គឺពាក់ព័ន្ធនឹងតារាចម្រៀង G-Dragon ដោយចោទថាលោកបានទទួលការព្យាបាលជាពិសេសក្នុងមន្ទីរពេទ្យទាហាន។ រំលងប្រហែលបាន១សប្ដាហ៍ ខាងសារព័ត៌មាន Dispatch បានចេញព័ត៌មានមួយទៀត និយាយពីតារាចម្រៀង Song Min Ho បានតាមដានគណនី Instagram មួយដែលបង្ហោះរូបភាពអាសអាភាស។ ហើយកាលពីពេលថ្មីៗនេះផងដែរនោះ ខាង Dispatch បានទម្លាយរឿងរ៉ាវផ្ទៃក្នុងពាក់ព័ន្ធនឹងអត្តសញ្ញាណពិតប្រាកដរបស់ស្វាមីតារាសម្ដែង Choi Ji Woo ថែមទៀត។
ព័ត៌មានទាំង៣នេះ បានធ្វើឲ្យមានជម្លោះទាស់ទែងពាក្យសម្ដីជាច្រើនលើបណ្ដាញសង្គមអនឡាញ ខណៈ អ្នកគាំទ្រជាច្រើនបានរិះគន់សារព័ត៌មានមួយនេះថាបានបំពានសិទ្ធិឯកជនរបស់សិល្បករ ហើយថែមទាំងបានចេញផ្សាយព័ត៌មានដោយគ្មានបានស៊ើបរកការពិតឲ្យបានច្បាស់លាស់មុនទៀតផង។
ជាលទ្ធផល ខាង Blue House បានធ្វើយុទ្ធនាការមួយដោយទាមទារឲ្យមានការបិទសារព័ត៌មាន Dispatch នេះចោល។ រហូតមកទល់ពេលនេះ មានមនុស្សជិត ១៧០ ០០០នាក់ហើយ បានចុះហត្ថលេខាយល់ព្រមនឹងការទាមទារមួយនេះ។
យុទ្ធនាការទាមទារនោះបានសរសេរថា៖ "អ្នកសិល្បៈក៏ជាមនុស្សដែរ។ មានចំណែកខ្លះដែលពួកគេមិនចង់បង្ហាញ ដោយពួកគេក៏មានជីវិតផ្ទាល់ខ្លួនដែរ ហើយភាពជាឯកជនរបស់ពួកគេនេះក៏មានសិទ្ធិក្នុងការការពារ ព្រោះពួកគេជាពលរដ្ឋរបស់ប្រទេសកូរ៉េ"៕