- 2018-07-19 07:10:00
- ជីវិតតារា
ក្រោយ Kim Kardashian ហៅខ្លួនថាជាពស់២ឆ្នាំ Taylor Swift ស្ពាយកាបូបពស់ចេញក្រៅផ្គើនយ៉ាងឡូយ
- 2018-07-19 07:10:00
- ចំនួនមតិ 0 | ចំនួនចែករំលែក 0
ក្រោយ Kim Kardashian ហៅខ្លួនថាជាពស់២ឆ្នាំ Taylor Swift ស្ពាយកាបូបពស់ចេញក្រៅផ្គើនយ៉ាងឡូយ
ចន្លោះមិនឃើញ
កាលពីឆ្នាំ ២០១៦ តារាចម្រៀង Taylor Swift ត្រូវបាន Kim Kardashian ហើយខ្លួនថាជាសត្វពស់ នៅលើបណ្ដាញសង្គម Twitter បន្ទាប់ពីមានរឿងរ៉ាវទាស់គ្នាមួយបានកើតឡើង។ រឿងរ៉ាវនោះបានកើតឡើងក្រោយ Kayne West បានបញ្ចេញបទចម្រៀង "Famous” ដែលមានមួយឃ្លាថា "I feel I and Taylor can still sleep together, Because I made that b*tch famous.”។
Kayne បញ្ជាក់ថាខ្លួនបានសុំការអនុញ្ញាតពី Taylor Swift មុនបញ្ចេញបទនេះ ប៉ុន្តែ Taylor ប្រកែកថាខ្លួនមិនបានផ្ដល់ការអនុញ្ញាតនោះទេ ព្រមទាំងខឹងសម្បារថាឃ្លាឃ្លោងនោះមានលក្ខណៈមិនសមរម្យ។ មិនយូរប៉ុន្មាន Kim ក៏បានបង្ហោះវីដេអូថតទុកពេល Kayne និយាយទូរស័ព្ទជាមួយ Taylor ដើម្បីសុំការអនុញ្ញាត។
បន្ទាប់មកនាងក៏បានបង្ហោះសារលើបណ្ដាញសង្គម Twitter ដោយនិយាយថា សុទ្ធតែថ្ងៃពស់ប្រចាំជាតិ (National Snake Day)។
ពីរឆ្នាំក្រោយមក Taylor Swift ក៏ចេញទៅខាងក្រៅ ហើយរំលេចនូវកាបូបរាងដូចស្បែកពស់នៅខាងក្រៅ ដើម្បីរំឭកអំពីអ្វីដែល Kim Kardashian បានថាឲ្យនាង។ ការស្ពាយកាបូបនេះ បានធ្វើឲ្យអ្នកគាំទ្រជាច្រើនភ្ញាក់ផ្អើល និងយល់ពីមូលហេតុភ្លាមៗគឺនាងចង់ឌឺដង Kim។
មិនត្រឹមតែប៉ុណ្ណោះតាំងពីឆ្នាំមុន Taylor តែងតែបង្ហាញសត្វពស់ជា សត្វសំខាន់ក្នុងការបញ្ចេញអាល់ប៊ុមនាងក៏ដូចជាការប្រគំតន្ត្រីផងដែរ ហើយអ្វីដែលគាប់ជួនបំផុតនោះគឺ Taylor បានកើតនៅឆ្នាំម្សាញ់៕