- 2018-07-21 07:52:12
- ព័ត៌មាន
មូលហេតុពិតប្រាកដនៃអំពើឃាតកម្មទៅលើ XXXTentaction ត្រូវបានបើកបង្ហាញ
- 2018-07-21 07:52:12
- ចំនួនមតិ 0 | ចំនួនចែករំលែក 0
មូលហេតុពិតប្រាកដនៃអំពើឃាតកម្មទៅលើ XXXTentaction ត្រូវបានបើកបង្ហាញ
ចន្លោះមិនឃើញ
បើតាមឯកសាររបស់តុលាការបានបញ្ជាក់ថា អតីតតារាចម្រៀងរ៉េប XXXTentaction ត្រូវបានឃាតកបាញ់សម្លាប់ក្នុងគោលបំណងប្លន់យកទឹកប្រាក់ចំនួន ៥០ ០០០ដុល្លារ ដែលទុកក្នុងកាបូបម៉ាក Louis Vuitton របស់លោក។
មុនពេលកើតហេតុ អតីតតារាចម្រៀងរ៉េបរូបនេះ បានចាកចេញពីហាងលក់ម៉ូតូឈ្មោះ Riva Motorsports ក្នុងទីក្រុង Florida ហើយបានដាក់កាបូបដែលពេញទៅដោយលុយទៅក្នុងឡានម៉ាក BMW របស់លោក។ ភ្លាមៗនោះដែរ លោកក៏ត្រូវឃាតកបាញ់ប្រហារតែម្ដង នេះបើតាមសម្ដីរបស់ប៉ូលិសបានរៀបរាប់។
គួរបញ្ជាក់ដែរថា ជនល្មើសទាំងអស់មានចំនួន ៤នាក់ រួមមានឈ្មោះ Dedrick Williams អាយុ ២២ ឆ្នាំ, Michael Boatwright អាយុ ២២ ឆ្នាំដូចគ្នា, Trayvon Newsome អាយុ ២០ ឆ្នាំ និងជនល្មើសចុងក្រោយមានឈ្មោះ Robert Allen មានអាយុ ២២ឆ្នាំ។ ពួកគេទាំង៤នាក់នេះ ត្រូវបានកាត់ទោសឲ្យជាប់ពន្ធនាគារតាមច្បាប់ឃាតកម្មកម្រិត ១៕
