- 2018-07-21 08:00:00
- ស្ទីលតារា
មានដឹងអត់ថា តារាស្រីស្អាតណាខ្លះចូលចិត្តការអានសៀវភៅ
- 2018-07-21 08:00:00
- ចំនួនមតិ 0 | ចំនួនចែករំលែក 0
មានដឹងអត់ថា តារាស្រីស្អាតណាខ្លះចូលចិត្តការអានសៀវភៅ
ចន្លោះមិនឃើញ
មានការលើកឡើងថាការអាននាំឱ្យមនុស្សអាយុវែង មានបញ្ញាស្មារតី និងទស្សនៈវែងឆ្ងាយ មានអ្នកប្រាជ្ញបណ្ឌិតជាច្រើន តែងតែលើកឡើងពីការអានសៀវភៅ តែមនុស្សភាគច្រើនចាប់ទុកការអានសៀវភៅជាថ្នាំងងុយគេងទៅវិញ។
ដើម្បីលើកទឹកចិត្តដល់ការអានសៀវភៅ Sabay បង្ហាញវត្តមានតារាក្នុងដួងចិត្តប្រិយមិត្តមួយចំនួនដែលចូលចិត្តអានសៀវភៅ ហើយមានភាពឆ្លាតវ័យ ពិសេសគាត់តែងតែចែករំលែកចំណេះដឹងតាមរយៈសៀវភៅដែលពួកគាត់បានអាន។
១. ប្រិយមិត្តស្គាល់ហើយថា គាត់ជាអ្នកណា ពូកែធ្វើអ្វី គាត់គឺជា VJ NANA ពិធីការិនី ២ភាសា និងអ្នកដោះស្រាយវិបត្តស្នេហាដ៏ជំនាញម្នាក់។ VJ NANA តែងតែប្រាប់ហើយថាការអានជាមធ្យោមបាយកែប្រែមនុស្សយើងឱ្យមានចំណេះវិជ្ជា និងមានក្តីស្រមៃ ការសម្រេចចិត្តល្អជាងមុន។ VJ NANA តែងតែរម្លឹកប្រាប់ថា៖ «សៀវភៅជាគ្រូដ៏ល្អសម្រាប់គ្រប់គ្នា»។
២. មានភាពវ័យឆ្លាតក្នុងការសម្តែង និងមានភាពក្លាហាន មិនមែនចេះតែកើតឡើងដោយឯងៗនោះទេ អ្នកត្រូវព្យាយាម និងឆ្លៀតពេលដើម្បីពង្រឹងសម្ថភាពរបស់ខ្លួន នេះជាការលើកឡើងរបស់ កញ្ញា ស៊ីន យូប៊ីន ពានរង្វាន់តួសម្តែងស្រីឆ្នើមឆ្នាំ ២០១៧ នេះ។ ស្រ្តីស្អាត ស៊ីន យូប៊ីន បន្តថា៖ « ការទម្លាប់កាន់សៀវភៅអាន ជួយខ្ញុំអាន Script រឿងបានច្រើនដងមិនធុញ និងងាយយល់ន័យសាច់រឿង និងសម្តែងបានល្អ»។
៣. ស្រីស្អាតដែលគ្រប់គ្នាកោតសរសើរ និងមានទេពកោលស្យក្នុងការសម្តែង ថែមទាំងជាម្ចាស់អាជីវកម្មសម្លៀកបំពាក់ច្នៃក្រមា ដ៏ពេញនិយម កញ្ញា មាន សូនីតា។ ការអានបានធ្វើឱ្យកញ្ញារីករាយ រឹងមាំ និងចេះដោះស្រាយបញ្ហានានា។ ជាក់ស្តែង អ្នកអានទាំងអស់មិនសុទ្ធតែជោគជ័យក្នុងជីវិតនោះទេ តែអ្នកដែលជោគជ័យក្នុងជីវិតភាគច្រើន សុទ្ធតែជាអ្នកអានសៀវភៅ។
៤. តារាចម្រៀង ដ៏មានប្រជាប្រិយ កញ្ញា Nikki Nikki ធ្លាប់បានរងគ្រោះព្រោះបញ្ហា ជំងឺបាក់ទឹកចិត្ត ហើយក៏មានអារម្មណ៍ពិបាកចិត្តជារឿយៗ តែការអានសៀវភៅលើកទឹកចិត្តអាចនិយាយថាជាផ្នែកមួយជួយកញ្ញាឱ្យទទួលបានចំណេះដឹងថ្មី និងដំណោះស្រាយប្រសើរជាងការពិបាកចិត្តគិតអ្វីមិនចេញ។
៥. ការអានជាដើមទុននៃការបណ្ដុះស្មារតីជាតិនិយមដ៏ត្រឹមត្រូវ និងបង្កើតពុទ្ធិ ដោយសារក្នុងសៀវភៅបានបង្កប់ទុកនូវរឿងរ៉ាវ បទពិសោធន៍ជាច្រើនដែលធ្លាប់បានកើតឡើង។ កញ្ញា ម៉ម ឡូរ៉ា ក៏ធ្លាប់លើកឡើងក្នុងកម្មវិធី Ted Talks វេទិកាបញ្ចេញមតិសាធារណៈ ពីប្រវត្តិសាស្ត្ររបស់កម្ពុជា និងព័ត៌មានអំពីការយល់ឃើញរបស់បរទេសដែលថា កម្ពុជា មានតែ Angkor Wat និង ខ្មែរក្រហម។ ធាតុពិតកម្ពុជាមានរឿងល្អច្រើនជាងនេះ ដែលទាមទារការអានឱ្យបានច្រើន មើលឱ្យបានច្រើនទើបឃើញពីសម្រស់ដ៏ពិតប្រាកដរបស់កម្ពុជា។
ក្រៅពីតារាស្រីដ៏មានប្រជាប្រិយភាពខាងលើដែលលើកកម្ពស់ការអាននោះទេ តែក៏មានតារាជាច្រើនទៀត ដែល Sabay សង្ឃឹមប្រិយមិត្តអានអត្ថបទនេះហើយ អាច Mention តារាក្នុងដួងចិត្តអ្នកដែលចូលចិត្តអានក្នុង Comment ខាងក្រោម ឬលើ Page ផ្លូវការរបស់ Sabay News Entertainment។
