- 2018-07-23 02:22:09
- ព័ត៌មាន
ក្រោយហ្វេសប៊ុកត្រូវបានគេ Hack ខាន់ ជេមស៍ ធ្លាក់វីសា ទៅអាមេរិក
- 2018-07-23 02:22:09
- ចំនួនមតិ 0 | ចំនួនចែករំលែក 0
ក្រោយហ្វេសប៊ុកត្រូវបានគេ Hack ខាន់ ជេមស៍ ធ្លាក់វីសា ទៅអាមេរិក
ចន្លោះមិនឃើញ
បន្ទាប់ពីគណនីហ្វេសប៊ុកត្រូវបានគេ Hackរបស់តារាចម្រៀង ខាន់ ជេមស៍ បានបង្ហើបប្រាប់ Sabay នៅព្រឹកនេះថា លោកបានទទួលសិទ្ធិចេញទៅច្រៀងនៅសហរដ្ឋអាមេរិកហើយ ដោយការចេញទៅច្រៀងលើទឹកដីមហាអំណាចមួយនេះ មានរយៈពេល២ខែ។
តាមគម្រោងដែលម្ចាស់បទ"បុប្ផាក្រពុំ"រូបនេះចេញទៅច្រៀងលើទឹកដីអាមេរិក លោកគ្រោងទៅជាមួយតារាចម្រៀងស្រីម្នាក់ទៀត ប៉ុន្តែតារាស្រីរូបនោះ នៅមិនទាន់ទទួលបានវីសា នៅឡើយទេ ព្រោះបច្ចុប្បន្នទើបតែរៀបចំឯកសារដាក់ទៅ។ ខាន់ ជេមស៍ សូមមិនបង្ហាញឈ្មោះតារាស្រីដែលត្រៀមចេញទៅជាមួយលោកឡើយ ព្រោះខ្លាចសម្ភាសទៅមិនជាប់អីទៅ នាងខ្មាសគេ។
លោកបានឲ្យដឹងទៀតថា ខ្លួននឹឹងចេញទៅនៅពាក់កណ្ដាលខែ សីហា ខាងមុខនេះ ដោយផែនការនៃការចេញទៅច្រៀងជូនបងប្អូនខ្មែររស់នៅទីនោះស្ដាប់ ក្នុងកម្មវិធីភ្ជុំបិណ្ឌធំនៅ"វត្តខន្តីរាម" នៃរដ្ឋ ហ្វរីដា ។
តាមការលើកឡើងរបស់ម្ចាស់បទ"របាំចងស្នេហ៍" នេះជាលើកទី២ហើយ ដែលលោកមានឱកាសបានចេញទៅច្រៀងនៅសហរដ្ឋអាមេរិក។ កាលពីខែមេសា ឆ្នាំ ២០១១ លោកធ្លាប់បានចេញទៅច្រៀងម្ដងរួចមកហើយ ដោយកាលណោះលោកទៅច្រៀងមានរយៈពេល៣ខែ។
ជាមួយគ្នានោះ ចាប់តាំងពីចាប់អាជីពជាតារាចម្រៀងមក លោក ខាន់ ជេមស៍ ធ្លាប់បានទៅច្រៀង៥ ប្រទេសផ្សេងទៀតផងដែរ ក្នុងនោះមាន ប្រទេសអូស្ត្រាលី ក្នុងឆ្នាំ២០០៨ ប្រទេស កាណាដា ក្នុងឆ្នាំ២០១០ ប្រទេស ជប៉ុន ក្នុងឆ្នាំ២០១៣ ប្រទេសកូរ៉េ និង បារាំង មិនចាំឆ្នាំ។ មុនចេញទៅទទួលបានសិទ្ធិចេញទៅច្រៀង នៅសហរដ្ឋអាមេរិកនេះ លោក ត្រូវបានប្រទេសកាណាដា ផ្ដល់សិទ្ធិឲ្យទៅច្រៀងរហូតដល់ទៅ ៥ឆ្នាំ ឯណោះ ខណៈដែលលោកស្នើសុំតែ១ខែប៉ុណ្ណោះ ប៉ុន្តែដោយពេលគេហៅនោះ ចំពេលលោករវល់ក្នុងការងារក្នុងស្រុកច្រើនពេលលោកមិនទាន់សម្រេចចិត្តទៅនៅឡើយ។ ទិដ្ឋាការរបស់លោកក្នុងការចេញទៅច្រៀងនៅប្រទេសកាណាដា ផុតកំណត់នៅឆ្នាំ ២០២០ ដោយក្នុងរយៈពេលនេះ លោកចង់ទៅច្រៀងនៅពេលណាក៏បានដែរ។
តារាចម្រៀងដែលត្រូវគេ Hack គណនីហ្វេសប៊ុក ដើរខ្ចីប្រាក់ពេល៥០០ ដុល្លារស្ទើរគ្រប់គ្នាកាលពីពេលថ្មីនេះ បានប្រាប់ថា បន្ទាប់ពីត្រលប់ពីការច្រៀងនៅអាមេរិកជាលើកទី២ លោកប្រហែលជានៅមិនទាន់ត្រៀុមចិត្តទៅច្រៀងនៅកាណាដាឡើយ ព្រោះពេលត្រលប់មកវិញនោះ គឺចំពេលដែលលោករវល់ការងារក្នុងស្រុកទៀតហើយ តែបែបណាក្ដី លោកនឹងលៃពេលវេលាណាមួយទៅច្រៀងនៅ ប្រទេសកាណាដាម្ដងទៀតឲ្យទាល់តែបាន៕
