- 2018-08-01 04:50:00
- ព័ត៌មាន
ពិសេសណាស់! យ៉ារ៉ូ បញ្ចេញវីដេអូឃ្លីបលើកទឹកចិត្ត ដល់សិស្សបាក់ឌុប មុនថ្ងៃប្រឡង
- 2018-08-01 04:50:00
- ចំនួនមតិ 0 | ចំនួនចែករំលែក 0
ពិសេសណាស់! យ៉ារ៉ូ បញ្ចេញវីដេអូឃ្លីបលើកទឹកចិត្ត ដល់សិស្សបាក់ឌុប មុនថ្ងៃប្រឡង
ចន្លោះមិនឃើញ
សល់តែ១៩ថ្ងៃទៀតទេ ការប្រឡងមធ្យមសិក្សាទុតិយភូមិ ឬ ហៅថា បាក់ឌុប នឹងឈានចូលមកដល់ហើយ។ ឆ្លៀតក្នុងឱកាសនេះតារាសម្ដែង និងជាពិធីករ យ៉ារ៉ូ ក៏បានធ្វើវីដេអូឃ្លីប១ និយាយលើកទឹកចិត្តដល់ប្អូនៗទី១២ ទាំងអស់មុនថ្ងៃពិសេសនេះមកដល់ផងដែរ។
យ៉ារ៉ូ ថា មូលហេតុលោក បង្កើតវីដេអូនេះឡើងក្នុងគោលបំណងលើកទឹកចិត្តដល់ប្អូនៗ នៅទូទាំងប្រទេសកម្ពុជាទាំងអស់ ដែលមានឈ្មោះប្រឡងបាក់ឌុបនៅថ្ងៃទី ២០ ខែ សីហា ឆ្នាំ ១០១៨ ខាងមុខនេះ។ ឲ្យមានចិត្តតស៊ូព្យាយាមជម្នះរាល់ឧបសគ្គដើម្បីសម្រេចបានគោលដៅធំមួយរយៈពេល១២ឆ្នាំកន្លងទៅនេះ។
”ខ្ញុំសូមជូនពរឲ្យសិស្សបាក់ឌុបទាំងអស់ ប្រឡងជាប់គ្រប់ៗគ្នា នឹងទទួលបានពិន្ទុល្អ។ លទ្ធផលធ្លាក់ឬ ក៏ជាប់វាជារឿងសំខាន់ ហើយអ្វីដែលសំខាន់ជាងនេះទៀតនោះ យើងនឹងមិនស្ដាយក្រោយ នៅពេលយើងខំប្រឹងប្រែងឲ្យអស់ពីសមត្ថភាព"។ យ៉ារ៉ូ និយាយ។
បាក់ឌុបឆ្នាំ ២០១៨ នេះមានបេក្ខជនប្រឡងចំនួន ១១ ៧០៦១ និងមានមណ្ឌលប្រឡង ១៩៥ ចែកជា ៤៧១៦ បន្ទប់ ទូទាំងរាជធានីខេត្ត។ ចំណែកថ្ងៃប្រកាសលទ្ធផលនឹងធ្វើឡើងនៅរសៀលថ្ងៃទី ១១ ខែកញ្ញា ឆ្នាំ សម្រាប់ក្រុងភ្នំពេញ និងខេត្តកណ្ដាល។ ថ្ងៃទី១២ ខែកញ្ញា នឹងប្រកាសលទ្ធផលនៅតាមបណ្ដាខេត្ត៕
