- 2018-08-06 02:36:26
- ព័ត៌មាន
ខ្លាំងបាត់ ខេមរៈ សិរីមន្ត គ្រោងជិះឧទ្ធម្ភាគចក្រមកចុះហត្ថលេខារកស៊ីដីធ្លីរួមគ្នា ជាមួយឧកញ៉ាវ័យក្មេង
- 2018-08-06 02:36:26
- ចំនួនមតិ 0 | ចំនួនចែករំលែក 0
ខ្លាំងបាត់ ខេមរៈ សិរីមន្ត គ្រោងជិះឧទ្ធម្ភាគចក្រមកចុះហត្ថលេខារកស៊ីដីធ្លីរួមគ្នា ជាមួយឧកញ៉ាវ័យក្មេង
ចន្លោះមិនឃើញ
កំពូលតារាចម្រៀងម្នាក់ហើយ គឺលោក ខេមរៈ សិរីមន្ត បានសម្រេចចូលហ៊ុនរកស៊ីរួមគ្នាក្នុងទឹកប្រាក់ ១០លាន ដុល្លា លើគម្រោងពុះដីឡូតិ័លក់ ជាមួយ ឧកញ៉ា វ័យក្មេង លោក ឡេង ណាវ៉ាត្រា ។
អ្វីដែលចាប់អារម្មណ៍បំផុត វត្តមាននៃការចូលរួមរបស់ម្ចាស់បទ"ស្ទឹងត្រែងបងអើយ" គ្រោងមកដល់ទីតាំង ដើម្បីប្រកាសជាដៃគូរកស៊ីលើគម្រោងនេះ ដោយមិនបានជិះរថយន្តតម្លៃថ្លៃរាប់ម៉ឺនដុល្លារនោះទេ គឺលោក ខេមរៈ សិរីមន្ត គ្រោងជិះឧទ្ធម្ភាគចក្រ ចុះមកទីតាំងផ្ទាល់ ក្នុងការធ្វើសន្និសីទកាសែត ឲ្យផ្អើលមនុស្សម្នានៅទីនោះតែម្ដង។ នេះបើតាមឧកញ៉ា ឡេង ណាវ៉ាត្រា។
បើតាមព័ត៌មានបឋម ទទួលបានពីឧកញ៉ាវ័យក្មេងដដែល បានឲ្យដឹងទៀតថា ការចាប់ដៃរួមគ្នានេះ គឺលើគម្រោង៣ ដែលវិនិយោគលើដីទំហំជាង ៤០ ហិកតា ដោយដំណាក់កាលដំបូង ត្រឹម១០ហិកតាសិន។ ទាក់ទិននឹងរឿងរ៉ាវនេះលម្អិត Sabay នឹងធ្វើការផ្សាយបន្តនៅពេលក្រោយនេះទៀត ខណៈពិធីចុះហត្ថលេខាគ្រោងធ្វើព្រឹកនេះ ក្រាំងទ្រា។
កាលពីថ្មីៗនេះ កំពូលតារាចម្រៀង ព្រាប សុវត្ថិ ទើបតែបានចូលហ៊ុនរកស៊ីលើគម្រោង ពុះដីឡូតិ័ លក់ជាមួយឧកញ៉ាវ័យក្មេង ឡេង ណាវ៉ាត្រា ក្នុងទឹកប្រាក់រួមគ្នា៥លានដុល្លារផងដែរ ។ មួយរយៈនេះ គេសង្កេតឃើញថា មានតារាៗជាច្រើន ក៏បានងាកមករកស៊ីលើវិស័យដីធ្លីនេះយ៉ាងហូរហែរផងដែរ ដោយសារពួកគេ យល់ថា វិស័យនេះទទួលបានផលចំណេញច្រើន ៕
