- 2018-08-07 04:14:50
- ព័ត៌មាន
ស្និទ្ធនឹងគ្នាខ្លាំងអីចឹង ហេង ឡុង មានភាគហ៊ុនជាមួយ ឡេង ណាវ៉ាត់ត្រា ឬអត់?
- 2018-08-07 04:14:50
- ចំនួនមតិ 0 | ចំនួនចែករំលែក 0
ស្និទ្ធនឹងគ្នាខ្លាំងអីចឹង ហេង ឡុង មានភាគហ៊ុនជាមួយ ឡេង ណាវ៉ាត់ត្រា ឬអត់?
ចន្លោះមិនឃើញ
ប្រិយមិត្តដែលតែងតាមដានព័ត៌មានសិល្បៈច្បាស់ជាស្គាល់ហើយ លោក ហេង ឡុង អនាគតស្វាមីអ្នកនាង ចន ច័ន្ទលក្ខិណា។ លោកគឺជាស្ថាបនិកសមាគមមិត្តសិល្បៈស្ម័គ្រចិត្តជួយសង្គម និងជាមនុស្សម្នាក់ដែលតែងតែចេញមុខស្ទើរគ្រប់សកម្មភាពជាមួយនឹងឧកញ៉ា ឡេង បុត្រា ហៅ ឡេង ណាវ៉ាត់ត្រា។ ជំនួញទឹកប្រាក់រាប់សិបលានដុល្លាររបស់ឧកញ៉ាវ័យក្មេងរូបនេះ តើ លោក ហេង ឡុង អាចមានភាគហ៊ុនជាមួយគ្នាឬអត់?
សកម្មភាពធំៗគួរឲ្យកត់សម្គាល់ជាច្រើនដែល លោក ហេង ឡុង បានធ្វើជាមួយឧកញ៉ា ឡេង ណាវ៉ាត់ត្រា កន្លងមកក្នុងនោះដូចជា ការងារសប្បុរសធម៌ យកប្រាក់ទៅជូនកាកបាទក្រហម និង មន្ទីរពេទ្យគន្ធបុប្ផា ការនាំសិល្បករសិល្បការិនីចេញទៅច្រៀងនៅប្រទេសកូរ៉េជាច្រើនលើក ការបើកសម្ពោធសំណង់ផ្ទះល្វែងរបស់លោកឧកញ៉ា ដំណឹងធ្លាយឡើងងារជាឧកញ៉ាក៏ធ្លាយចេញពីលោក ហេង ឡុង ដូចគ្នា និងចុងក្រោយ ជំនួញពុះដីឡូត៍របស់តារាចម្រៀងល្បីឈ្មោះ២រូបគឺ លោក ព្រាប សុវត្ថិ និង លោក ខេមរៈ សិរីមន្ត ជាមួយឧកញ៉ា ឡេង ណាវ៉ាត់ត្រា លើទឹកប្រាក់រាប់សិបលានដុល្លារ ក៏មានវត្តមានលោកក្នុងសកម្មភាពទាំងនោះដែរ។
ជុំវិញចម្ងល់ខាងលើនេះអនាគតស្វាមី អ្នកនាង ចន ច័ន្ទលក្ខិណា បានសារភាពដោយទទួលស្គាល់ថា លោកពិតជាមានភាគហ៊ុនជាមួយឧកញ៉ា ឡេង ណាវ៉ាត់ត្រា ពិតមែន ប៉ុន្តែភាគហ៊ុននោះ មិនមែនលើជំនួញដីធ្លី ឬផ្ទះល្វែងឡើយ ពោលគឺមានក្នុងមុខជំនួញផ្សេងទៀត ប៉ុន្តែលោកសូមមិនបញ្ចេញមុខជំនួញនោះក៏ដូចជាភាគហ៊ុនដែលចូលជាមួយគ្នាឡើយ។
បែបនេះក្ដី ក្នុងនាមជាស្ថាបនិកសមាគមមិត្តសិល្បៈស្ម័គ្រចិត្តជួយសង្គម ដែលធ្វើការងារយ៉ាងស្និទ្ធជាមួយអ្នកសិល្បៈ លោក ហេង ឡុង បានកោតសរសើរ និងលើកទឹកចិត្តចំពោះ ឧកញ៉ា ឡេង ណាវ៉ាត់ត្រា ក៏ដូចជា លោក ព្រាប សុវត្ថិ និង លោក ខេមរៈ សិរីមន្ត ជាខ្លាំង ដែលចេះឆ្លៀតពេលរកស៊ី បន្ថែមលើអាជីពសិល្បៈបែបនេះ។ លោកថា មិនចង់ឃើញអ្នកសិល្បៈដែលល្បី ហើយនៅពេលដែលធ្លាក់កូដ ធ្លាក់ខ្លួនក្រ គ្មានអ្វីទីពឹងឡើយ ដូចនេះលោកស្នើឲ្យស្វែងរកមុខរបរបន្ថែមលើអាជីពសិល្បៈបច្ចុប្បន្ន ហើយសូមមើលតារាទាំង៣ខាងលើនេះជាគំរូ៕