- 2018-08-07 08:00:00
- ចម្រៀង
នេះជាបទចម្រៀងស្នេហាអង់គ្លេសទាំង១៥ ល្អបំផុតប្រចាំឆ្នាំ ២០១៨
- 2018-08-07 08:00:00
- ចំនួនមតិ 0 | ចំនួនចែករំលែក 0
នេះជាបទចម្រៀងស្នេហាអង់គ្លេសទាំង១៥ ល្អបំផុតប្រចាំឆ្នាំ ២០១៨
ចន្លោះមិនឃើញ
ក្នុងរយៈពេលជាងកន្លះឆ្នាំមកនេះ បទចម្រៀងពីរោះៗជាច្រើនបានបញ្ចេញជាបន្តបន្ទាប់ ប៉ុន្តែបទចម្រៀងដែលមានន័យស្នេហាចាក់ដោតខ្លាំងនោះគឺមិនសូវមានច្រើនប៉ុន្មាននោះឡើយ។ បទចម្រៀងទាំងនោះ មិនថាជាបទចង្វាក់ប៉ុប ហ៊ីបហប ឬ R&B សុទ្ធតែអាចបង្ហាញអត្ថន័យស្នេហាជ្រាលជ្រៅបានទាំងអស់។
នេះជាបណ្ដាកំពូលបទចម្រៀងស្នេហាទាំង១៥ ប្រចាំឆ្នាំ ២០១៨៖
១. “The End of Love” ច្រៀងដោយ Florence + The Machine
ឃ្លាមួយក្នុងបទនេះ "I've always been in love with you/ Could you tell it from the moment that I met you?” មានន័យថា ខ្ញុំបានស្រលាញ់អ្នករហូតមក តើអ្នកអាចកត់សម្គាល់បានឬអត់ តាំងពីថ្ងៃខ្ញុំជួបអ្នកដំបូង? បទចម្រៀងនៅក្នុងអាល់ប៊ុម "High As Hope” នេះច្រៀងត្អូញត្អែរពីរឿងរ៉ាវស្នេហាយ៉ាងកម្សត់ ជាមួយនឹងសំឡេងច្រៀងដ៏លន្លង់លន្លោចរបស់ Florence ផងនោះ ធ្វើឲ្យបទចម្រៀងនេះពិតជាពិសេសខ្លាំង។
២. “Back to You” ច្រៀងដោយ Selena Gomez
បទចម្រៀងនេះមានអត្ថន័យចាក់ដោតខ្លាំង ដោយ Selena បានច្រៀងបញ្ជាក់ថា ទោះបីជាមនុស្សដែលនាងស្រលាញ់ធ្វើបាបនាង រហូតដល់បេះដូងប្រេះស្រាំខ្ទេចខ្ទី ក៏នាងនៅតែយល់ព្រមទទួលមនុស្សម្នាក់នោះវិញជានិច្ច។ នេះដូចឃ្លាមួយច្រៀងថា "You can break my heart in two, but when it heals it beats for you”។
៣. “Summer Games” ច្រៀងដោយ Drake
“Summer Games” គឺជាបទចម្រៀងល្អមួយក្នុងចំណោមបទចម្រៀងផ្សេងៗ នៅក្នុងអាល់ប៊ុម "Scorpion” ដែលបានបញ្ចេញប៉ុន្មានខែមុននេះ។ ឃ្លាមួយនៃបទចម្រៀងបានបញ្ជាក់ថា "Summer just started and we're already done”។ ឃ្លានេះបានបញ្ជាក់ពីរឿងរ៉ាវស្នេហា ដែលបានបញ្ចប់មុនពេលវាអាចចាប់ផ្ដើម។
៤. “New Light” ច្រៀងដោយ John Mayer
បទចម្រៀងនេះ បញ្ជាក់អំពីរឿងរ៉ាវស្នេហារបស់ John Mayer ដែលខ្លួនលួចស្រលាញ់មនុស្សស្រីម្នាក់ និងព្យាយាមសារភាពស្នេហា ប្រាប់ដល់ខាងស្រីឲ្យចាប់អារម្មណ៍ពីខ្លួន។
៥. “Stay” ច្រៀងដោយ Post Malone
ធ្លាប់តែច្រៀងបទចម្រៀងបែបហ៊ីបហប ដូចជា "White Iverson” និង "Rock Star” តារាហ៊ីបហប Post Malone ក៏ប្ដូរមកច្រៀងបទចម្រៀងបែបស្នេហាវិញម្ដង ធ្វើឲ្យអ្នកគាំទ្រលោកភ្ញាក់ផ្អើលជាខ្លាំង។
៦. “Boo'd Up (Remix)” ច្រៀងដោយ Ella Mai feat. Nicki Minaj, Quavo
ប្រសិនជាអ្នកមិនទាន់ស្គាល់តារាចម្រៀងវ័យ ២៣ឆ្នាំរូបនេះទេ គួរតែសាកស្ដាប់ "Boo'd Up” ម្ដង។ តាមពិតបទនេះបានបញ្ចេញនៅឆ្នាំ ២០១៧ រួចមកហើយ ប៉ុន្តែឆ្នាំនេះ Nicki និង Quavo បានមកចូលរួមច្រៀង ធ្វើឲ្យបទនេះកាន់ពីរោះនិងប្លែកមួយកម្រិតទៀត។
៧. “Girls Like You” ច្រៀងដោយ Maroon 5 feat. Cardi B
បទចម្រៀងនេះល្បីខ្លាំងតាមរយៈវីដេអូចម្រៀងដោយ Adame Levine បានច្រៀងបទនេះ ខណៈមានការចូលរួមសម្ដែងជាមួយតារាស្រីល្បីៗនៅហូលីវូដជាច្រើនសន្ធឹកសន្ធាប់។
៨. “Help Us to Love” ច្រៀងដោយ Tori Kelly feat. The Hamiltones
ក្នុងបទចម្រៀងនេះ Tori Kelly បានលើកឡើងពីបញ្ហាផ្សេងៗនៅក្នុងសង្គម និងសំណូមពរឲ្យមនុស្សទាំងអស់ចេះស្រលាញ់គ្នា ជាធ្លុងមួយ។
៩. “Call Out My Name” ច្រៀងដោយ The Weeknd
បទនេះស្ថិតនៅក្នុងអាល់ប៊ុមខ្នាតខ្លី "My Dear Melancholy” ដែលមានបទចម្រៀងស្នេហាចំនួន៦បទ ច្រៀងរៀបរាប់ពីអតីតសង្សារខ្លួន Selena Gomez។ ក្នុងបទ "Call Out My Name” តារារូបនេះបានច្រៀងបង្ហាញអារម្មណ៍ក្ដុកក្ដួលនិងពិបាកចិត្តក្រោយបែកបាក់ស្នេហាជាមួយ Selena។
១០. “Moon River” ច្រៀងដោយ Frank Ocean
Frank Ocean បានបញ្ចេញបទនេះកាលពីថ្ងៃបុណ្យនៃសេចក្ដីស្រលាញ់ ដែលជាបទចម្រៀង Cover ដកស្រង់ចេញពីក្នុងរឿង "Breakfast at Tiffany's” បញ្ចេញកាលពីឆ្នាំ ១៩៦១។
១១. “Love Lies” ច្រៀងដោយ Khalid & Normani
នេះបទចម្រៀងដ៏ពិសេសមួយ ដែលបានដាក់បញ្ចូលនៅក្នុងរឿង "Loves, Simon” បង្ហាញពីសំឡេងច្រៀងដ៏ល្អរបស់អតីតសមាជិកក្រុមចម្រៀង Fifth Harmony និងតារាចម្រៀងថ្មី Khalid។
១២. “Getting Over You” ច្រៀងដោយ Lauv
ទោះបីជាទើបតែមានកេរ្តិ៍ឈ្មោះល្បីខ្លាំងនៅឆ្នាំ ២០១៨នេះ Lauv តែងតែបញ្ចេញបទចម្រៀងស្នេហាលន្លង់លន្លោចជាច្រើនបទ ធ្វើឲ្យអ្នកស្រក់ទឹកភ្នែកដោយមិនដឹងខ្លួន ប្រសិនជាអ្នកយល់អត្ថន័យ។
១៣. “For You” ច្រៀងដោយ Rita Ora feat. Liam Payne
បទនេះគឺជាបទចម្រៀងដ៏ល្អមួយដកស្រង់ចេញពីរឿង "Fifty Shades Freed” ច្រៀងរៀបរាប់ពីសេចក្ដីស្នេហា ដ៏ផ្អែមល្ហែម។
១៤. “Faded Love” ច្រៀងដោយ Tinashe feat. Future
បន្ទាប់ពីចាប់ផ្ដើមល្បីខ្លាំងកាលពីឆ្នាំ ២០១៤ ជាមួយបទ "2 On” ពេលនេះ Tinashe កំពុងតែបញ្ចេញបទចម្រៀងថ្មីមិនឈប់ឈរ ធ្វើឲ្យនាងក្លាយជាតារាថ្មីមួយរូបដែលអ្នកគួរតែរំពឹងមើល។
១៥. “You Make It Easy” ច្រៀងដោយ Jason Aldean
ខុសប្លែកពីបទទាំង១៤ខាងលើ បទនេះគឺជាបទចង្វាក់ Country ដែលបង្ហាញពីអារម្មណ៍ស្នេហារបស់លោក ពិតជារ៉ូមែនទិកខ្លាំង នឹកស្មានមិនដល់៕