- 2018-08-09 08:46:40
- ព័ត៌មាន
សុខ ចាន់ផល លើកឡើងពីសិល្ប៍វិធីតែងនិពន្ធ ធ្វើឲ្យប្រិយមិត្តជក់ចិត្តដកមិនរួច
- 2018-08-09 08:46:40
- ចំនួនមតិ 0 | ចំនួនចែករំលែក 0
សុខ ចាន់ផល លើកឡើងពីសិល្ប៍វិធីតែងនិពន្ធ ធ្វើឲ្យប្រិយមិត្តជក់ចិត្តដកមិនរួច
ចន្លោះមិនឃើញ
មានរឿងរ៉ាវជាច្រើនក្នុងសៀវភៅប្រលោមលោក ឬជាភាពយន្តក្តី អ្នកនិពន្ធមិនប្រាកដថាឆ្លងកាត់ឬមានបទពិសោធន៍ខ្លួនឯងនោះទេ ព្រោះមនុស្សម្នាក់ៗមានរឿងរ៉ាវជីវិតខុសៗគ្នា បញ្ហាខុសៗគ្នា តែអ្នកនិពន្ធបែបជាអាចសរសេរចេញដូចជារឿងរបស់ខ្លួន ធ្វើឱ្យអ្នកអាន ស្តាប់ឬទស្សនា សាច់រឿងហាក់ចូលដល់ក្រអៅបេះដូងអ្នកនិពន្ធបាន នេះបើតាមការរៀបរាប់របស់អ្នកនិពន្ធមនោសញ្ចេតនា សុខ ចាន់ផល។
សិល្ប៍វិធីរបស់អ្នកនិពន្ធម្នាក់ក្នុងការតែងនិពន្ធមានខុសៗ គ្នាទៅតាមទស្សនៈ និងទេពកោសល្យ ចំពោះ អ្នកនិពន្ធ វ័យ ៣៤ឆ្នាំរូបនេះវិញយល់ថា ហេតុតែលោកអាចតែងនិពន្ធ ឬក៏អាចសរសេររឿងទាក់ចិត្តអ្នកអានបានច្រើន មកពីការសរសេររបស់លោកបង្ហាញពីរឿងរ៉ាវដែលអ្នកអានមានអារម្មណ៍ថាដូចនឹងរឿងខ្លួនឯង។ ការយល់ពីអារម្មណ៍របស់អ្នកដទៃបែបនេះអាចជាទេពកោសល្យមួយរបស់អ្នកនិពន្ធផងដែរ ព្រោះមិនមែនគ្នាគ្រប់អាចស្វែងយល់ពីអារម្មណ៍របស់អ្នកដទៃបាននោះដែរ។
ក៏ប៉ុន្តែធ្វើយ៉ាងម៉េចដើម្បីស្វែងយល់ពីអារម្មណ៍របស់អ្នកដទៃបាន អ្នកនិពន្ធ សុខ ចាន់ផល បន្តថា តាមរយៈពេលធ្វើការក្នុងវិស័យតែងនិពន្ធនេះ លោកសង្កេតឃើញថាការដែរស្វែងយល់អារម្មណ៍អ្នកដទៃបានកើតឡើងពីការស្វែងយល់ពីអារម្មណ៍ខ្លួនឯងឱ្យបានសិន។ អ្នកនិពន្ធ រូបនេះ ពន្យល់ថា ការស្វែងយល់ពីខ្លួនឯង គឺដឹងថាខ្លួនឯងមានចរិកលក្ខណៈបែបណា ហើយទទួលស្គាល់ខ្លួនឯង ទទួលស្គាល់ពីភាពខ្លាំង និងកម្សោយរបស់ខ្លួនឯងជាមុនសិន។
ជាក់ស្តែងការតែងនិពន្ធគឺជាសេរីភាពក្នុងការស្រមើលស្រមៃនិងទស្សនៈ ការគិតមួយដែលមានសច្ចៈភាព និងគុណធម៌ នេះបើយោងតាមការផ្តល់និយមន័យរបស់អ្នកនិពន្ធ សុខ ចាន់ផល។ រូបលោកក៏បន្តទៀតដែរថា ជីវិតជាអ្នកនិពន្ធមានពេលខ្លះអ្នកដទៃឃើញថាក្រក្រី មិនមានមុខមាត់ក៏ពិតមែន តែអ្នកនិពន្ធមានទ្រព្យសង្កត់ចិត្តឱ្យលះបង់សេចក្ដីលោភ និងអាចរីករាយក្នុងដំណើរនៃជីវិតសើចញញឹមបានទោះស្ថិតក្នុងកាលៈទេសៈដ៏លំបាកណាមួយក៏បាន៕
