បទចម្រៀង «អូនសាសន៍អី» របស់ វុទ្ធា ក្នុងផលិតកម្ម Klapyahandz របស់លោក សុខ វិសាល ដែលជាចម្រៀងរួមគ្នាជាមួយជនជាតិបរទេសម្នាក់ឈ្មោះ Victor Siva ត្រូវបានកូនខ្មែរបារាំងម្នាក់ យកទៅបង្ហាញ និងឱ្យក្រុមរាំបារាំងមួយក្រុម រាំលេងកម្សាន្តនៅខាងមុខ Tower Eiffel ទាក់ទាញទេសចរណ៍ ជាមួយនឹងសូរសំឡេង ជាភាសា លាយអង់គ្លេសបន្តិច បារាំងបន្តិច។

កូនខ្មែរ សញ្ជាតិខ្មែរ ម្នាក់មានជំនាញខាងផ្នែកថតវីដេអូ ដឹកនាំសម្តែង ឈ្មោះថា Kaori Seng បានប្រាប់ឱ្យដឹងថា រូបនាងមានបំណងបង្ហាញពីសិល្បៈរបស់ខ្មែរលើឆាកអន្តរជាតិ ខណៈបទចម្រៀង «អូនសាសន៍អី» របស់ វុទ្ធា មានការទាក់ទាញ និងអាចយកមក​បង្ហាញ​នៅប្រទេសបារាំងបានបែបនេះ រូបនាងមានការរីករាយមែនទែន។

ក្រុមរាំង ជនជាតិបារាំងដែលបានបង្ហាញក្បាច់រាំយ៉ាងពិសេស និងទាក់ទាញនោះមានឈ្មោះថា Suaveton ដែលមានឈ្មោះថា Antonio Soriano, Daniela Soriano Lex Vargas, និង Lolito Ramirez ហើយវីដេអូនេះថត និងកាត់តដោយ អ្នកនាង Kaori Seng ផ្តល់សិទ្ធបទចម្រៀងដោយ ផលិតកម្ម Klapyahanz ដោយផ្ទាល់៕

បទចម្រៀង «អូនសាសន៍អី» ថតនៅទីក្រុង Paris ប្រទេសបារាំង ប្រិយមិត្តអាចរីករាយទស្សនាវីដេអូខាងក្រោម៖ វីដេអូផ្តល់សិទ្ធដោយ​ Kaori Seng