- 2018-08-14 03:41:27
- ស្ទីលតារា
តាមពិត តាប៊ុយ មានរូបរាងសង្ហា ដោយសារវិធីសាមញ្ញបែបនេះសោះ
- 2018-08-14 03:41:27
- ចំនួនមតិ 0 | ចំនួនចែករំលែក 0
តាមពិត តាប៊ុយ មានរូបរាងសង្ហា ដោយសារវិធីសាមញ្ញបែបនេះសោះ
ចន្លោះមិនឃើញ
ក្រៅពីជាពិធីករ មានវោហាស័ព្ទចូលចិត្តបង្កើតកម្មវិធីសំណើចដល់ទស្សនិកជន តាប៊ុយ ត្រូវបានប្រិយមិត្តជាច្រើនសរសើរពីរូបរាងយ៉ាងស្រស់សង្ហារបស់លោក ដែលធ្វើឲ្យអ្នកគាំទ្រមិនតិចទេ ចង់ដឹងពីអាថ៌កំបាំងមួយនេះ។
ថ្មីៗនេះ តាប៊ុយ បានទម្លាយនូវវិធីសាស្ត្រ មិនត្រឹមធ្វើឲ្យមានរាងស្អាត ជួយសម្រកទម្ងន់ ថែមទាំងអាចជួយឲ្យបានទម្រង់មុខ V ទៀតផង។
វិធីសាស្ត្រងាយៗ គឺ តាប៊ុយ ផ្ដោតសំខាន់លើរបបអាហារ និងការហាត់ប្រាណ។ លោក ជ្រើសរើសការញ៉ាំបន្លែ និងត្រីឲ្យបានច្រើន ព្រោះអាហារទាំងនេះសម្បូរប្រូតេអ៊ីន និងគ្មានកាឡូរី ធ្វើឲ្យធាត់។ លើសពីនេះ ពិធីករកូនកាត់ចិន ហាត់ប្រាណជាប្រចាំ ដោយការរត់ជណ្ដើរឡើងចុះ រយៈពេល១០នាទី ដែលវិធីមួយនេះ លោកបានហាត់តាម Youtube អាចជួយដុតកាឡូរីបានច្រើន។ ក្រៅពីនេះ តាប៊ុយ ដាំទឹកខ្ញីក្ដៅឧណ្ហៗផឹកមួយថ្ងៃ២ដង ព្រឹកមួយកែវ ល្ងាចមួយកែវ ជារៀងរាល់ថ្ងៃ ជួយឲ្យស្រួលខ្លួន មានកម្លាំង។ ពេលខ្លះ លោក ដាក់ក្រូចឆ្មាលាយបន្តិច ដើម្បីឲ្យកាន់តែមានរសជាតិ និងជំនួយសុខភាព។
កាលពីមុន របៀបសម្រកទម្ងន់របស់លោក មិនសូវទទួលបានផលប៉ុន្មានទេ ដោយលោកហាត់ប្រាណរត់លើម៉ាស៊ីនរយៈពេល៤០នាទី ហើយហូបសាច់ជ្រូកនៅពេលអាហារថ្ងៃត្រង់ ដោយមិនសូវខ្វល់ច្រើនពីរបបអាហារប៉ុន្មានឡើយ។
ប៉ុន្តែរបៀបសម្រកទម្ងន់យករាងស្អាតនេះ ជាវិធីថ្មីសម្រាប់លោក ព្រោះឃើញថាមានប្រសិទ្ធភាពល្អ ឆាប់ស្រក ដោយគីឡូរបស់លោកពេលនេះ នៅសល់៧៥ គីឡូក្រាម ។ លោក ឃើញថាទម្រង់មុខ ក៏មានការប្រែប្រួល ចេញជា V ផងដែរ ហើយតាប៊ុយ អះអាងថាមិនធ្លាប់វះកាត់កែសម្ផស្សម្ដងណានោះទេ។ ពិធីករប្រចាំស្ថានីយទូរទស្សន៍ My TV ប្រាប់ថា លោកចង់ស្រកឲ្យនៅសល់ទម្ងន់ត្រឹម៧៣ គីឡូក្រាម ឲ្យមើលទៅកាន់តែស្រស់សង្ហាជាងនេះ៕
រូបភាព៖ FB taboi