- 2018-08-14 10:20:00
- ភាពយន្ត
ជី សិលា៖ វិស័យកុនកម្ពុជាអាចត្រូវការពេលយូរ ដើម្បីស្ដារភាពរីកចម្រើនឡើងវិញ
- 2018-08-14 10:20:00
- ចំនួនមតិ 0 | ចំនួនចែករំលែក 0
ជី សិលា៖ វិស័យកុនកម្ពុជាអាចត្រូវការពេលយូរ ដើម្បីស្ដារភាពរីកចម្រើនឡើងវិញ
ចន្លោះមិនឃើញ
លោក ជី សិលា ជាស្ថាបនិកក្រុមហ៊ុនឌីជីថលដ៏ធំមួយ ទើបតែវិនិយោគក្នុងវិស័យរោងកុន IMAX ដំបូងគេបង្អស់នៅប្រទេសកម្ពុជាថ្មីៗនេះ ហើយលោកក៏បានលើកឡើងពីបញ្ហាខ្លះៗចំពោះវិស័យភាពយន្តក្នុងស្រុក ក្នុងកិច្ចសម្ភាសន៍មួយជាមួយសារព័ត៌មាន Khmer Times។
សម្រាប់វិស័យកុននៅប្រទេសកម្ពុជា នេះជាការវិលត្រលប់មកវិញលើកទី៣ហើយ បន្ទាប់ពីបានវិលត្រលប់ហើយក៏ស្រាកស្រាន្តទៅវិញនៅអំឡុងទសវត្សទី ៨០,៩០ និងខ្ទង់ដើមទសវត្សឆ្នាំ ២០០០ លោក ជី សីលាបញ្ជាក់។ សម្រាប់ពេលនេះ ឧស្សាហកម្មភាពយន្តកម្ពុជាគឺស្ថិតនៅក្នុងដំណាក់កាលដំបូងនៅឡើយ រោងកុនសរុបគឺមានខ្ទង់ជាង៥០រោងកុន តែប៉ុណ្ណោះ ហើយក្នុងរយៈពេលទៅ ៣ ឬ ៥ឆ្នាំទៅមុខ នឹងអាចកើនទៅដល់ ២០០រោង។
មិនត្រឹមតែប៉ុណ្ណោះ ចំពោះស្ថានភាពទាំងស្រុងនៅកម្ពុជា វិស័យទីផ្សារផ្នែកភាពយន្តនៅមានកម្រិតនៅឡើយ ដោយនៅតាមបណ្ដាទីក្រុងនិងខេត្តខ្លះៗគឺនៅមិនទាន់មានរោងកុននៅឡើយ។ សម្រាប់ពេលនេះកម្មវិធីមើលភាពយន្តតាមអ៊ីនធឺណិត Soyo ដើរតួនាទីដ៏សំខាន់មួយ ដែលផ្ដល់ភាពងាយស្រួលដល់អ្នកមិនមានលទ្ធភាពទៅទស្សនាភាពយន្តនៅតាមបណ្ដារោងកុន ឲ្យអាចទស្សនាតាមទូរស័ព្ទឬឧបករណ៍អេឡិចត្រូនិកផ្សេងៗ។
ទោះបីជាត្រូវប្រឈមមុខនឹងការប្រជែងជាមួយក្រុមហ៊ុនក្នុងស្រុកនិងក្រៅស្រុកដែលមានលក្ខណៈស្រដៀងគ្នាក៏ដោយ នេះគឺជាមធ្យោបាយដ៏ល្អមួយ ដែលអាចបង្រៀនឲ្យពួកគេយល់ដឹងកាន់តែច្រើនពីវិស័យភាពយន្ត។ ទោះជាយ៉ាងណាក៏ដោយ លោក ជី សិលា បានបញ្ជាក់យ៉ាងច្បាស់ថា "មធ្យោបាយមើលភាពយន្តតាមអ៊ីនធឺណិត នៅមិនទាន់មានឥទ្ធិពលវិជ្ជមានគួរឲ្យកត់សម្គាល់ចំពោះវិស័យកុនក្នុងស្រុកនៅឡើយ"។
វិស័យភាពយន្តគឺប្រៀបដូចជាប្រព័ន្ធអប់រំចំពោះប្រទេសយើងដូចគ្នា ប្រសិនជាអ្នកចង់ធ្វើឲ្យវារីកចំរើន អ្នកមិនអាចធ្វើវាបានក្នុងរយៈពេលមួយឆ្នាំបានទេ ដំណើរការនេះត្រូវការរយៈពេលរាប់ឆ្នាំ រាប់ទសវត្ស។ វាត្រូវការការសហការរួមរួបគ្នាពីសំណាក់ អ្នកផ្ដល់ដើមទុន ផលិតករភាពយន្ត អ្នកដឹកនាំរឿង រដ្ឋាភិបាល ជាពិសេសគឺសាធារណជនតែម្ដង។ ប្រជាជនកម្ពុជាភាគច្រើនមិនសូវជាទៅរោងកុនដើម្បីទស្សនាភាពយន្តនោះទេ នេះគឺជាអ្វីដែលត្រូវតែផ្លាស់ប្ដូរ ហើយដើម្បីជំរុញឲ្យអ្នកទស្សនាភាពយន្តកើនឡើង យើងចាំបាច់ត្រូវតែបង្កើននូវគុណភាពភាពយន្ត។ កត្តាសំខាន់មួយទៀតគឺ រដ្ឋាភិបាលគួរតែកាត់បន្ថយពន្ធ ទៅដល់បណ្ដាផលិតកម្មភាពយន្តផ្សេង ដើម្បីបង្កភាពងាយស្រួលក្នុងការថតរឿងថ្មីៗ៕
