- 2018-08-15 08:10:00
- ព័ត៌មាន
តារាសម្ដែងពន្លកថ្មី រុន ណាកូ ខ្លាចគូស្នេហ៍អន់ចិត្ត ក្រោយព័ត៌មានផ្អែមល្ហែមជាមួយអ្នកសិល្បៈម្នាក់
- 2018-08-15 08:10:00
- ចំនួនមតិ 0 | ចំនួនចែករំលែក 0
តារាសម្ដែងពន្លកថ្មី រុន ណាកូ ខ្លាចគូស្នេហ៍អន់ចិត្ត ក្រោយព័ត៌មានផ្អែមល្ហែមជាមួយអ្នកសិល្បៈម្នាក់
ចន្លោះមិនឃើញ
តារាសម្ដែងពន្លកថ្មី រុន ណាកូ បារម្ភខ្លាចគូស្នេហ៍មិនសប្បាយចិត្ត ក្រោយព័ត៌មានផ្អែមល្ហែមជាមួយអ្នកសិល្បៈស្រីម្នាក់គឺកញ្ញា ទេព មុន្នីរក្សា កាលពីមួយសប្ដាហ៍កន្លងទៅ។
រុន ណាកូ ថា ចាប់តាំងពីមានព័ត៌មានផ្អែមល្ហែមជាមួយ ទេព មុន្នីរក្សា រួចមកគូស្នេហ៍ខ្លួនមិនបានខឹងដល់ថ្នាក់មិនស្ដីរកគ្នានោះទេ តែលោកខ្លាចនាង អន់ចិត្តត្បិតខណៈពេលនេះម្ចាស់ចិត្តមិនសូវនិយាយដូចកាលផ្ដើមស្នេហ៍គ្រាដំបូង។
មួលហេតុឈានទៅដល់ធ្លាយរូបផ្អែមល្ហែមជាមួយ ទេព មុន្នីរក្សា ដោយសារតែលោក ត្រូវបានហាងលក់ស្លៀកបំពាក់មួយកន្លែងហៅទៅថតស្ប៉ត។ ក្រោយពីថតចប់ខ្លួន និងតារាសម្ដែងស្រីរូបនោះក៏បានថតរូបលេងជាមួយគ្នាដើម្បីទុកជាអនុស្សាវរីយ៍ ក្នុងនាមជាមិត្តភ័ក្ដិស្និទ្ធស្នាល ដែលស្រឡាញ់រាប់អានគ្នាជាច្រើនឆ្នាំតែប៉ុណ្ណោះគ្មានអ្វីលើសពីហ្នឹងទេ។
“ខ្ញុំ និង មុន្នីរក្សា គឺជាមិត្តភ័ក្ដិស្និទ្ធស្នាលជាមួយគ្នាតើបង ហើយខ្ញុំស្រឡាញ់រាប់អានគាត់តាំងពីចូលសិល្បៈមុនដំបូង ឲ្យទៅជាលក្ខណៈស្នេហាស្រីប្រុសគឺមិនអាចទេបង ព្រោះពេលនេះខ្ញុំមានម្ចាស់បេះដូងហើយជានិស្សិតនៅភ្មពេញ "។ រុន ណាកូ បន្ថែម។
រុណ ណាកូ មានស្រុកកំណើតនៅខេត្ត ជានិស្សិតពេទ្យ ឆ្នាំទី៣ ចូលប្រឡូកសិល្បៈមុនដំបូងចុងឆ្នាំ ២០១៦ ។ រឿងធ្លាប់សម្ដែងកន្លងមកមានដូចជា "រាជបូរី Comeback” “អាបកាលីប២០១៨" និងស្ប៉តពាណិជ្ជកម្មមួយចំនួនទៀត៕
រូបថត៖ ផ្ដល់ឲ្យដោយ រុន ណាកូ
