- 2018-08-15 09:23:44
- ជីវិតតារា
រឿងក្តី វ៉ាន់ នីឡា និងអតីតគូស្នេហ៍ នៅតែគ្មានតម្រុយក្រោយចូលតាមដីកាកោះសារជាថ្មី
- 2018-08-15 09:23:44
- ចំនួនមតិ 0 | ចំនួនចែករំលែក 0
រឿងក្តី វ៉ាន់ នីឡា និងអតីតគូស្នេហ៍ នៅតែគ្មានតម្រុយក្រោយចូលតាមដីកាកោះសារជាថ្មី
ចន្លោះមិនឃើញ
តារាចម្រៀងស្រី កញ្ញា វ៉ាន់ នីឡា ដែលឈ្មោះពិត សុខ ចិន្តា បានផ្អាកការងារសិល្បៈអស់រយៈពេលជាយូរណាស់មកហើយដែរ ក្រោយមានបញ្ហារឿងក្តីក្តាំជាមួយអតីតគូស្នេហ៍។
មកទល់ពេលនេះរឿងក្តីក្តាំងរបស់អតីតតារាចម្រៀងរូបនេះជាមួយនឹងអតីតគូស្នេហ៍ លោក គុយ សិទ្ធិស័ក្ដិ ហាក់គ្មានអ្វីជាលទ្ធផលនោះទេ ខណៈរូបនាង និងលោក សុខ ជំនោរ ជាបងប្រុសនៅតែបន្តប្រកាសចង់បានយុត្តិធម៌ជារឿយៗ។
អតីតតារាចម្រៀងស្រស់សោភារូបនេះបានឲ្យដឹងថា រូបនាងមិនសប្បាយចិត្តនោះទេ ព្រោះតាំងពីសាលក្រមតុលាការប្រកាសរហូតកដល់ពេលនេះរយៈពេល១ឆ្នាំហើយ រូបនាងមិនទាន់បានទទួលសំណងជាប្រាក់នៅឡើយ ចំណែកជនល្មើសនៅក្រៅឃុំទៀត។ នីឡាបន្តថា ពេលដែលខ្លួនបានទៅបង្ហាញមុខនៅតុលាការព្រឹកមិញនេះ គឺបានត្រឹមតែស្តាប់ការលើកឡើងពីមេធាវីថា កូនក្តីមានបញ្ហាសំខាន់ក្នុងគ្រួសារមិនបានចូលមកដោះស្រាយទៅវិញ។ "សាលក្រមកាត់ក្តីឲ្យ គុយ សិទ្ធិសក្តិ ជាប់ពន្ធនាគារ ចំនួន ១ ឆ្នាំ និងសំណងជំងឺចិត្ត ២០០ លាន រៀល បន្ទាប់ពីប្រកាសហ្នឹងម៉ោ ខ្ញុំអត់បានទទួលផលអីទេ រហូតដល់ថ្ងៃនេះ ថ្ងៃខែឆ្នាំដដែល ខ្ញុំចូលសាលាឧទ្ធរណ៍ ប៉ុន្តែគេលើកថ្ងៃវិញ ខ្ញុំអត់ដឹងខាងតុលាការលើកថ្ងៃដល់ពេលណា ថ្ងៃខែឆ្នាំណាទេ គឺខ្ញុំអត់ហ្មង"។
វ៉ាន់ នីឡា បញ្ជាក់ថា រូបនាងត្រូវការនៅពេលនេះគឺសុំរកយុត្តិធម៌ចំពោះខ្លួនឯង និងការបញ្ចប់បញ្ហាមិនមែនអ្នកប្រព្រឹត្តល្មើសត្រូវនៅក្រៅឃុំយ៉ាងរីករាយបែបនេះ ព្រោះនាងក៏ត្រូវបាត់បង់ម្ចាស់ការ និងទំនុកចិត្តចំពោះសុវត្ថិភាពរបស់ខ្លួន តើច្បាប់អាចជួយការពារនាងបានដែរទេបើបែបនេះ?
រូបភាព៖ ផ្តល់សិទ្ធិដោយ៖ វ៉ាន់ នីឡា