- 2018-08-15 10:00:00
- ភាពយន្ត
ភាពយន្តតុក្កតា Disney “Lady and the Tramp” នឹងយកមកថតសារជាថ្មីលក្ខណៈ Live Action
- 2018-08-15 10:00:00
- ចំនួនមតិ 0 | ចំនួនចែករំលែក 0
ភាពយន្តតុក្កតា Disney “Lady and the Tramp” នឹងយកមកថតសារជាថ្មីលក្ខណៈ Live Action
ចន្លោះមិនឃើញ
បន្ទាប់ពីដាក់បញ្ចាំងលើកដំបូងកាលពីឆ្នាំ ១៩៥៥ ពេលនេះក្រុមហ៊ុនយក្ស Disney បានរកឃើញតារាសម្ដែងស្រីដើម្បីឲ្យបញ្ចូលសំឡេងឲ្យតួអង្គ Lady ហើយ។ តារាសម្ដែង Tessa Thompson ដែលយើងស្គាល់តាមរយៈការសម្ដែងរបស់នាងជាតួអង្គ Valkyrie នៅក្នុងរឿង "Thor: Ragnarok” ដែលទើបដាក់បញ្ចាំងកាលពីចុងឆ្នាំ ២០១៧។
ភាពយន្តនេះនឹងមានលក្ខណៈស្រដៀងនឹងភាពយន្ត Live Action ពីមុនៗរបស់ Dinsey ដូចជា រឿង "Beauty and the Beast”, “Christoper Robin” និងរឿង "Cinderella” ជាដើម។ តារាសម្ដែងល្បីឈ្មោះ Justin Theroux នឹងសម្ដែងជាតួអង្គសំខាន់មួយ ជាមួយគ្នានឹង Tessa Thompson។
ភាពយន្តនេះដឹកនាំរឿង ដោយលោក Charlie Bean ដែលជាអ្នកនាំរឿងបែប 3D Animated “The Lego Ninjago Movie”។ រឿង "Lady and the Tramp” បែបសម្ដែងដោយបង្ហាញស្ថានភាពពិតប្រាកដមិនមែនតុក្កតាដូចមុន ប៉ុន្តែប្រើប្រាស់បច្ចេកទេសកុំព្យូទ័រ CGI ជំនួយ នឹងចាប់ដាក់ឲ្យមើលនៅក្នុងបណ្ដាញប្រព័ន្ធចែកចាយភាពយន្តថ្មីស្រដៀង Netflix របស់ Disney នៅឆ្នាំ ២០១៩។
តួអង្គសំខាន់ផ្សេងទៀតគឺនឹងចូលរួមបញ្ចូលសំឡេង ដោយតារាសម្ដែង Ashley Jensen និងតារាសម្ដែង Benedict Wong ពីក្នុងរឿង "Doctor Strange”។ តារាស្រី Kiersey Clemons សម្ដែងជាតួអង្គមនុស្សឈ្មោះ Darling ជាម្ចាស់របស់សត្វសុនក Lady។
គូសបញ្ជាក់ដែរថា ភាពយន្ត Live Action ថ្មីៗរបស់ Disney ដែលកំពុងថតមាន "Mulan”, “Aladdin”, “Dumbo” និង "Lion King” សុទ្ធតែត្រៀមដាក់បញ្ចាំងឆ្នាំ ២០១៩៕