- 2018-08-21 02:38:47
- ព័ត៌មាន
សូដា នីតា ទៅបរទេសញឹក មិនខ្ចីខ្វល់ទីផ្សារក្នុងស្រុកធ្លាក់ចុះ
- 2018-08-21 02:38:47
- ចំនួនមតិ 0 | ចំនួនចែករំលែក 0
សូដា នីតា ទៅបរទេសញឹក មិនខ្ចីខ្វល់ទីផ្សារក្នុងស្រុកធ្លាក់ចុះ
ចន្លោះមិនឃើញ
កញ្ញា សូដា នីតា ទើបត្រលប់មកពីអាមេរិកបានប្រមាណ២អាទិត្យប៉ុណ្ណោះ តែតារាសម្ដែងរូបនេះប្រាប់ថា ខ្លួននឹងវិលទៅសម្ដែងនៅទីនោះនៅឆ្នាំក្រោយម្ដងទៀត ចំណែកចុងឆ្នាំនេះ មានគេទាក់ទងឲ្យទៅអូស្ត្រាលី និងកាណាដាផងដែរ។
ការចេញក្រៅប្រទេសញឹកញាប់ សូដា នីតា ហាក់មិនខ្លាចបាត់បង់ទីផ្សាក្នុងស្រុករបស់ខ្លួននោះទេ ដែលខុសពីតារាមួយចំនួន តែងទាត់ចោលសំណើទៅក្រៅប្រទេស ដោយសុខចិត្តស្រវាកសាងកេរ្តិ៍ឈ្មោះក្នុងស្រុក ច្រើនជាង។
ហេតុផលនេះ តួអង្គក្នុងរឿង "បណ្ដឹងស្រីទាំង៥" ឆ្លើយថា មិនភ័យព្រួយរឿងបាត់ការងារសិល្បៈក្នុងស្រុកឡើយ ព្រោះមុនពេលទទួលយកការងារក្រៅប្រទេស ស្រីស្អាតរូបនេះមើលឃើញថា ខ្លួនអាចទំនេរ ដកខ្លួនទៅបំពេញការងារបាន។ ម្យ៉ាងទៀត ទៅបរទេសរាល់ដង ត្រឹមរយៈពេលខ្លីប៉ុណ្ណោះ ហើយចំពេលរដូវភ្លៀងផង ដូច្នេះសម្រាប់អ្នកសិល្បៈ មិនសូវមានការងារនោះទេ។ ម្ល៉ោះហើយ ទើបតារាសម្ដែងបន្ថែមរបរលក់គ្រឿងថែសម្ផស្សតាមអនឡាញ គ្មានព្រួយរឿងអ្នកគាំទ្រនៅស្រុកខ្មែរភ្លេចមុខ។
ជាក់ស្ដែង ទោះទើបត្រលប់មកពីអាមេរិកក្ដី ក៏សូដា នីតា នៅតែឆក់បានការងារបន្តបន្ទាប់ ដោយដើរបង្ហាញម៉ូដឲ្យក្រុមហ៊ុនសំណង់មួយកាលពីថ្មីៗនេះ និងនៅខែកញ្ញាខាងមុខ រូបនាងជាប់រវល់សម្ដែងរឿងផងដែរ។ ចំពោះ បញ្ហារឿងគូស្រករវិញ តារាប្រឡូកសិល្បៈមិនតិចជាង១០ឆ្នាំ រូបនេះ មិនទាន់ចង់បានប្រញាប់នោះទេ ទុកឲ្យពេលវេលាជាអ្នកចាត់ចែងទៅចុះ៕
