- 2018-08-23 03:05:00
- ព័ត៌មាន
Kylie Jenner ព្យាយាមគេចមុខពី Nicki Minaj ក្រោយមានរឿងរ៉ាវជាមួយ Travis Scott
- 2018-08-23 03:05:00
- ចំនួនមតិ 0 | ចំនួនចែករំលែក 0
Kylie Jenner ព្យាយាមគេចមុខពី Nicki Minaj ក្រោយមានរឿងរ៉ាវជាមួយ Travis Scott
ចន្លោះមិនឃើញ
រឿងរ៉ាវក្ដៅក្រហាយរវាងតារាចម្រៀង Nicki Minaj ជាមួយនឹង Travis Scott បានកើតមានឡើងកាលពីប៉ុន្មានថ្ងៃមុននេះ។ ជាមួយគ្នានោះដែរ សម្រាប់តារាទូរទស្សន៍ Kylie Jenner ហាក់មិនចាប់អារម្មណ៍ក្នុងការតបតឆ្លើយឆ្លងពាក្យសម្ដីអ្វីទៅ Nicki Minaj វិញនោះឡើយ ព្រោះមិនចង់ឲ្យជម្លោះកាន់តែរីកដាលខ្លាំង។
ជាក់ស្ដែង កាលពីយប់ថ្ងៃច័ន្ទកន្លងទៅ ខណៈដើរលើកម្រាលព្រំក្រហមក្នុងកម្មវិធីពានរង្វាន់ MTV VMAs តារាស្រីរូបនេះ បានព្យាយាមគេចពីតារាចម្រៀង Nicki Minaj។ តារាស្រីវ័យ ២១ ឆ្នាំរូបនេះ បានឈប់ដើរទៅមុខ ហើយងាកក្រោយភ្លាម ខណៈនាងឃើញតារាចម្រៀង Nicki Minaj ដែលជាតារាដែលចោទប្រកាន់គូសង្សាររបស់នាង Travis Scott ថាខ្ចីខ្លួននាង និងកូនដើម្បីផ្សព្វផ្សាយអាល់ប៊ុមថ្មីនោះ។
បើតាមវីដេអូដែលថតបាន បង្ហាញឲ្យឃើញថា Kylie Jenner ដើរលើកម្រាលព្រំក្រហមចូលកម្មវិធីជាមួយនឹងទឹកមុខស្រស់ស្រាយ ញញឹមពព្រាយ ប៉ុន្តែទឹកមុខរីករាយរបស់នាង បានផ្លាស់ប្ដូរភ្លាមក្រោយនាងសម្លឹងឃើញ Nicki Minaj ដើរសំដៅមករកនាង។ ភ្លាមៗ នាងក៏បានងាកបែរក្រោយ ហើយដើរសំដៅទៅកន្លែងផ្សេងវិញ៕
ទស្សនាវីដេអូខាងក្រោម៖