Song Joong Ki ចេញមុខដំបូងទម្លាយពីទំនាក់ទំនងក្រោយរៀបការជាមួយ Song Hye Kyo

2018-08-24 09:30:00
ជីវិតតារា

2018-08-24 09:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃទី ២៤ ខែសីហា វិបសាយ Dispatch បានដកស្រង់បទសម្ភាសរបស់តារាសម្ដែង Song Joong Ki ជាមួយទស្សនាវដ្ដី "Esquire” ក្នុងដំណើរវិលចូលសិល្បៈជាថ្មី ក្រោយរៀបការរួច។

ក្នុងបទសម្ភាសនោះ Joong Ki មិនត្រឹមតែបាននិយាយទាក់ទងនឹងការងារនោះទេ ប៉ុន្តែលោកក៏បង្ហើបពីជីវិតស្នេហារបស់ខ្លួន និងភរិយា Song Hye Kyo ដែរ។

អ្នកសម្ភាសបាននិយាយទល់មុខ Joong Ki ថា៖ "ឥឡូវអ្នកបានរៀបការហើយ អ្នកមិនអាចត្រឡប់ទៅទាក់ទងដូចសង្សារជាមួយប្រពន្ធបានទៀតទេ”។ ពេលនោះម្ចាស់ខ្លួនក៏បានតបថា៖ «ខ្ញុំមិនគិតថាការទាក់ទងបែបនោះវាហួសពេលសម្រាប់ខ្ញុំក្រោយរៀបការនោះទេ។ ខ្ញុំមានទស្សនៈប្រាកដនិយមហើយក្នុងរឿងស្នេហា ខ្ញុំគិតថាខ្ញុំជាមនុស្សរ៉ូមែនទិកម្នាក់»។

បន្តទៀត Joong Ki និយាយថា៖ «នៅពេលខ្ញុំញ៉ាំអីជាមួយបងៗដែលជាមិត្តជិតស្និទ្ធ គាត់ប្រាប់ខ្ញុំថា ឲ្យរកប្រពន្ធណាដែល ធ្វើឲ្យយើងអាចផ្ដល់ក្ដីស្រឡាញ់ឲ្យខ្លួនឯងអស់មួយជីវិត នោះប្រៀបដូចសុបិនក្លាយជាការពិត។ ខ្ញុំគិតថារឿងល្អប្រពៃបំផុតដែលមនុស្សប្រុសអាចធ្វើបានក្នុងជីវិតនោះ គឺផ្ដល់ក្ដីស្រឡាញ់ឥតព្រំដែនដល់នារីជាទីស្រឡាញ់ម្នាក់ពិតប្រាកដ»។

បន្ថែមពីលើនេះ Joong Ki ក៏បានបញ្ជាក់ដែរថា៖ «មនុស្សប្រុសមួយចំនួនប្រហែលជាស្វែងរកតែភាពមានបាន និងកេរ្តិ៍ឈ្មោះល្បីល្បាញ ទុកជារឿងសំខាន់ក្នុងជីវិត ប៉ុន្តែខ្ញុំគិតថាសម្រាប់អ្នកដែលក្លាយខ្លួនជាសុភាពបុរស គឹនៅពេលស្រឡាញ់មនុស្សស្រីម្នាក់រហូតដល់ទីបញ្ចប់ មិនវៀចវេរទៅណា»។

សម្ដីមួយម៉ាត់ៗរបស់តារាប្រុសរូបនេះ ពិតជាចាក់ដោតខ្លាំងបំផុត ពិសេសវាក៏អាចបញ្ជាក់ច្បាស់ៗថា លោកស្រឡាញ់ភរិយាប៉ុណ្ណា ហើយក្ដីស្រឡាញ់ទាំងនេះពិតជាធ្វើឲ្យនារីៗមិនតិចទេលួចច្រណែននឹងសំណាង Song Hye Kyo៕

ប្រភព៖ Allkpop ប្រែសម្រួល៖ យី សុធារី