- 2018-09-02 07:51:35
- ព័ត៌មាន
ពន្លកថ្មី ៤រូបរបស់ YG មិនទាន់ចេញមុខផ្លូវការផង មហាជននាំគ្នាគាំទ្រឡើងខ្ជោល
- 2018-09-02 07:51:35
- ចំនួនមតិ 0 | ចំនួនចែករំលែក 0
ពន្លកថ្មី ៤រូបរបស់ YG មិនទាន់ចេញមុខផ្លូវការផង មហាជននាំគ្នាគាំទ្រឡើងខ្ជោល
ចន្លោះមិនឃើញ
យុវជន យុវតី ៤រូបដែលជាពន្លកថ្មីរបស់ផលិតកម្ម YG កំពុងត្រូវបានមហាជនផ្ដោតការចាប់អារម្មណ៍ បើទោះជាពួកគេមិនទាន់លេចមុខជាផ្លូវការជាតារាថ្មីរបស់ផលិតកម្មនេះក៏ដោយ។
មកស្គាល់ពួកគេទាំងអស់គ្នា តើមុនក្លាយជាតារា YG តើពួកគេធ្វើអ្វី និងធ្លាប់ឆ្លងកាត់ការប្រឡងណាខ្លះ?
១. Bang Yedam
Yedam កើតថ្ងៃទី ០៧ ខែឧសភា ឆ្នាំ ២០០២។ យុវជនរូបនេះបានធ្វើឲ្យគ្រប់គ្នាចាប់ចិត្តគួរសមកាលពី ឆ្នាំ ២០១៣ អំឡុងពេលលោកប្រឡងសមត្ថភាពក្នុងកម្មវិធី K-Pop Star Season 2 របស់ទូរទស្សន៍ KBS។
នៅឆ្នាំនោះ Yedam ទើបមានអាយុ ១២ឆ្នាំប៉ុណ្ណោះ ប៉ុន្តែដោយសារសមត្ថភាពច្រៀងខ្ពស់ស្មានមិនដល់ ទើបគេទទួលបានចំណាត់ថ្នាក់លេខ២។ បន្ទាប់ពីហ្វឹកហាត់អស់រយៈពេល ៥ឆ្នាំ Yedam ក៏កំពុងត្រៀមខ្លួនបង្ហាញមុខជាតារាថ្មីប្រចាំ YG ក្នុងពេលឆាប់ៗខាងមុខដែរ។
២. Moon Soo Ah
តារាស្រីមានជំនាញខាងរ៉េបរូបនេះ កើតថ្ងៃទី ០៩ ខែកញ្ញា ឆ្នាំ ១៩៩៩។ កាលពីឆ្នាំ ២០១២ នាងធ្លាប់បានបង្ហាញមុខក្នុងបទចម្រៀង "Knock Out” របស់ G-Dragon និង T.O.P។ បន្ទាប់មក Soo Ah ក៏បានលេចមុខក្នុងកម្មវិធី “Unpretty Rapstar 2” កាលពីឆ្នាំ ២០១៥។ ពេលនោះនាងទទួលបានចំណាត់ថ្នាក់លេខ ៤។
៣. Choi Raesung / Millenium
តារាប្រុសកើតក្នុងឆ្នាំ ២០០០ រូបនេះជាទូទៅគេស្គាល់ច្បាស់ថាជា "Millenium”។ ក្រៅពីមានសមត្ថភាពច្រៀងហើយ យុវជនវ័យ ១៨ឆ្នាំនេះក៏ខ្លាំងខាងតែងបទចម្រៀងដែរ។ តួយ៉ាងបទ "Love Scenario” របស់ ក្រុម iKON ក៏ជាស្នាដៃចូលរួមផលិតរបស់ Raesung ដែរ។
៤. Im Suah
នាងកើតនៅថ្ងៃទី ២១ ខែកញ្ញា ឆ្នាំ ១៩៩៩ និងជាកូនស្រីរបស់តារាសម្ដែង និងជាផលិតកររបស់ទូរទស្សន៍ MBC អ្នកស្រី Choi Jung Won។
Suah បានចាប់ផ្ដើមជីវិតជាអ្នកហ្វឹកហាត់របស់ផលិតកម្ម YG កាលពីឆ្នាំ ២០១០ ពេលមានអាយុ ១១ឆ្នាំ៕