តារាម្នាក់ប៊ិះក្លាយសមាជិកទី ៥របស់ BLACKPINK ទៅហើយ តែត្រូវខកខានព្រោះបងធំ YG

2018-09-02 09:09:00
ព័ត៌មាន

2018-09-02 09:09:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថត ជាច្រើនសន្លឹករបស់ក្រុម BLACKPINK និងតារាស្រីម្នាក់ដែលបានថតជុំគ្នាកាលពីមុន ពិតជាធ្វើឲ្យអ្នកប្រើបណ្ដាញអ៊ីនធឺណិតភ្ញាក់ផ្អើលគ្រប់គ្នា ក្រោយជ្រាបថាតារារូបនោះជាអតីតសមាជិកទី ៥របស់ក្រុម។

BLACKPINK និង Miyeon

រម្លឹកទៅកាលពីឆ្នាំ ២០១៦ ដែលជាពេល BLACKPINK លេចមុខដំបូង មានសេចក្ដីប្រកាសមកថា ចំនួនសមាជិករបស់ក្រុមនេះ ដើមឡើយមាន ៩នាក់ ប៉ុន្តែស្រាប់តែក្រោយមកក៏ត្រូវកាត់នៅសល់ត្រឹម ៤នាក់ទល់សព្វថ្ងៃ។

ប្រភពខាងក្នុងរបស់ YG និយាយថា៖ «ពីដំបូងក្រុមនេះត្រូវមានសមាជិក ៩នាក់ ប៉ុន្តែលោក Yang Hyun Suk ស្រាប់តែប្ដូរគម្រោងដែលខំគិតរយៈពេល ២ឆ្នាំនោះ មកឲ្យមានតែសមាជិក ៤នាក់ទៅវិញ។ ទោះបីយើងមិនដឹងច្បាស់តើគាត់កំពុងគិតអ្វី ប៉ុន្តែអ្នកនៅសល់ចំនួន ៥នាក់នោះ នៅតែនៅក្រោម YG ចំណែកក្រុម BLACKPINK គ្រាន់តែត្រូវបានរៀបចំឲ្យចេញមុខមុន»។

ជាក់ស្ដែង ក្នុងចំណោមសមាជិកទាំង ៥ ដែលមិនបានចេញមុខជាមួយ BLACKPINK នោះ មានម្នាក់បានសម្រេចក្ដីស្រមៃរបស់ខ្លួន ដោយចូលក្នុងក្រុមចម្រៀងថ្មីមួយយ៉ាងជោគជ័យ។ ស្រីស្អាតម្នាក់ដែលខំតស៊ូ និងសង្ឃឹមថាបានចេញមុខជាមួយ BLACKPINK តែក្រោយមកក្ដីរំពឹងបានរលាយសូន្យនោះមានឈ្មោះ Miyeon បច្ចុប្បន្នគឺជាសមាជិកក្រុម (G)I-DLE ស្ថិតក្រោមផលិតកម្ម Cube។