- 2018-09-03 08:07:50
- ព័ត៌មាន
ចិត្តធម៌មែន! អ៊ីណូ នឹងចែកប្រាក់ចំណេញពីគម្រោងលក់ដីឡូត៍ឲ្យសិល្បករចាស់ជរា
- 2018-09-03 08:07:50
- ចំនួនមតិ 0 | ចំនួនចែករំលែក 0
ចិត្តធម៌មែន! អ៊ីណូ នឹងចែកប្រាក់ចំណេញពីគម្រោងលក់ដីឡូត៍ឲ្យសិល្បករចាស់ជរា
ចន្លោះមិនឃើញ
តារាចម្រៀង អ៊ីណូ បានចាប់ផ្ដើមប្រឡូកក្នុងវិស័យលក់ដីឡូត៍ ដែលជាមុខជំនួញកំពុងត្រូវប៉ាន់ អាចទទួលបានប្រាក់ចំណេញច្រើនក្រាស់ក្រែល។ ក្រៅពីនេះ តារាចម្រៀងនៅផលិតកម្មសាន់ដេ នឹងបែងចែកប្រាក់ចំណេញមួយចំនួន ពីរបរនេះ សម្រាប់ជាការបរិច្ចាគដល់សិល្បករជើងចាស់ជរា។ នេះបើតាមការប្រកាសរបស់លោក នៅក្នុងសន្និសីទបើកគម្រោងដីឡូត៍ទី៩ មានទីតាំងនៅភ្នំបាសិត កាលពីព្រឹកមិញ។
ម្ចាស់បទ " កុំយំ កុំយំអូន" ប្រាប់ថា លោកធ្លាប់ជាអ្នកក្រ ដូច្នេះលោកយល់ពីអារម្មណ៍អ្នកក្រដូចគ្នា។ លោកធ្លាប់ចិញ្ចឹមចិត្តថា នៅពេលមានប្រាក់ច្រើន អាចចែករំលែកទៅអ្នកក្របាន នោះលោកនឹងធ្វើ។ ម្ល៉ោះហើយ ប្រាក់ចំណេញបានពីការលក់ដីឡូត៍ ដែលជាការចូលហ៊ុនគ្នារវាងលោក ជួន គន្ធា ហៅ សីហា នឹងបែងចែកខ្លះសម្រាប់ជួយដល់សិល្បករជើងចាស់វ័យជរា ដែលជាផ្នែកមួយ ក៏ជួយដល់សង្គមផងដែរ។
កន្លងមក តារាចម្រៀងរូបនេះ ធ្លាប់ប្រលូកក្នុងទីផ្សារអចលនទ្រព្យលើការលក់ផ្ទះល្វែង ដោយហ៊ុនគ្នាជាមួយសាច់ញាតិ។ យ៉ាងណាមិញ ការវិនិយោគដីឡូត៍លក់លើកដំបូង ដោយហ៊ុនគ្នាលើកនេះ ក្រោយមើលឃើញថាទីផ្សារផ្នែកនេះកំពុងមានតម្រូវការ និងដំណើរការល្អ។ លោក ក៏សុំច្រានចោលនូវដំណឹងថា លោកត្រឹមជាអ្នកឈរឈ្មោះស៊ីកម្រៃជើងសារ តែការពិត លោកមានហ៊ុន២០%លើគម្រោងនេះ៕
