- 2018-09-04 03:46:04
- ព័ត៌មាន
សាយ សៀរ៉ា ប្រាប់ថាចង់បានប្រពន្ធហើយ តែគ្រូមិនយល់ស្រប គិតម៉េចវិញ?
- 2018-09-04 03:46:04
- ចំនួនមតិ 0 | ចំនួនចែករំលែក 0
សាយ សៀរ៉ា ប្រាប់ថាចង់បានប្រពន្ធហើយ តែគ្រូមិនយល់ស្រប គិតម៉េចវិញ?
ចន្លោះមិនឃើញ
តារាប្រុសដែលកំពុងតស៊ូនឹងជំងឺគ្រួសក្នុងតម្រង់នោម សាយ សៀរ៉ា បានទម្លាយឲ្យដឹងថា លោកចាប់ផ្ដើមមានចិត្តចង់បានដៃគូជិវិតហើយ ប៉ុន្តែគួរឲ្យស្ដាយគ្រូបានដាក់ភ្លើងក្រហមបាត់ទៅហើយ។
តួប្រុសក្នុងរឿង "រនាតឯក" ឲ្យដឹងថា ជាធម្មតារាល់ការរកគូស្រករ រមែងមានការរកគ្រូគុណគូរ ហើយលោកក៏ដូចគ្នា ជាលទ្ធផល គ្រូបានទម្លាក់ភ្លើងក្រហមទៅហើយ។ "ខ្ញុំកំពុងតែរកមើលហើយបង ប៉ុន្តែគ្រូមើលថា លេខមិនល្អទេ"។
គិតមកដល់ពេលនេះ សាយ សៀរ៉ា មានអាយុ ៣៦ឆ្នាំហើយ ជាវ័យដែលលោកយល់ថា ល្មមដល់ពេលដែលលោកគួរតែមានដៃគូជិវិត ទើបលោកចាប់ផ្ដើមបើកបេះដូងស្វែងរកម្ចាស់។ យ៉ាងណា ក្រោយពេលគ្រូគុណគូរឃើញថា មិនទាន់ជាវេលាល្អសម្រាប់ការកសាងជីវិតគ្រួសារ លោកក៏មិនហ៊ានប្រឆាំងដែរ ក្នុងនោះលោកថា ត្រូវរង់ចាំ៣ឆ្នាំទៀត តាមបណ្ដាំរបស់គ្រូ។
យ៉ាងនេះក្ដី តារាសម្ដែងមកពីខេត្តកំពង់ចាម មិនបានបង្ហើបឡើយថា ក្រោយផុតរយៈពេល៣ឆ្នាំ នារីប្រភេទណាដែលលោកសម្រេចជ្រើសរើសនោះទេ។ និយាយជីវិតស្នេហា សាយ សៀរ៉ា កន្លងមក ធ្លាប់មានព័ត៌មានថា មានចំណងស្នេហ៍ជាមួយតារាទឹកភ្នែក នី មុន្នីនាថ។ ប៉ុន្តែដំណឹងនេះ ក៏សាបរលាបបន្តិចម្ដងៗ រហូតដល់ស្ងប់ស្ងាត់ ហើយគេបានឃើញថា មុន្នីនាថ ទៅកសាងទំនាក់ទំនងជាមួយអ្នកផ្សេងវិញ។
ប៉ុន្តែមកទល់បច្ចុប្បន្ន ទាំងខាងប្រុស ទាំងខាងស្រី គឺនៅទំនេរៗរៀងខ្លួន ក្នុងនោះ នី មុន្នីនាថ មិនមានលេចចេញព័ត៌មានស្នេហាទៀតឡើយ ក្រោយបាក់បែកជាមួយលោក អ៊ឹង សូឡាង ឯលោក សាយ សៀរ៉ា ក៏ស្ងាត់ដូចគ្នា ក្រោយពីបានផុងខ្លួនមួយឆាវក្នុងព័ត៌មានស្នេហាភេទដូចគ្នាជាមួយលោក យ៉ែម សំអូន។ ប៉ុន្តែលោក បានបដិសេធ រហូតដល់ចចាមអារ៉ាមនោះ ផុតរលុតទៅ៕