- 2018-09-05 07:19:01
- ភាពយន្ត
សុខ សោម៉ាវត្ដី សរសើរ យ៉ារ៉ូ ខ្លាំងជាង លី វ៉ាហេទ ក្រោយប៉ះគ្នាបានម្ដង
- 2018-09-05 07:19:01
- ចំនួនមតិ 0 | ចំនួនចែករំលែក 0
សុខ សោម៉ាវត្ដី សរសើរ យ៉ារ៉ូ ខ្លាំងជាង លី វ៉ាហេទ ក្រោយប៉ះគ្នាបានម្ដង
ចន្លោះមិនឃើញ
អ្នកមេម៉ាយចាយរាង សុខ សោម៉ាវត្ដី ពោលសរសើរមិនដាច់ពីមាត់ថាកំលោះសង្ហា យ៉ារ៉ូ ខ្លាំងជាងកីឡាករបាល់ទាត់ លី វ៉ាហេទ ទៀតក្រោយពីប៉ះគ្នាក្នុងភាពយន្តខ្នាតធំរឿង" កែវវេទមន្ត" របស់ផលិតកម្ម Rock។
សុខ សោម៉ាវត្ដី ថា បើនិយាយពីសមត្ថភាពសម្ដែងរឿងរវាងកំលោះសង្ហារទាំងពីរដែលនាង ធ្លាប់ថតជាមួយកន្លងមកគឺ យ៉ារ៉ូ មានទេពកោសល្យជាងដោយសារតែរូបគេជាអ្នកសិល្បៈស្រាប់ ត្បិតជាពិធីករ មែនតែធ្លាប់សម្ដែងរឿងជាច្រើនទាំងខ្នាតធំ និងភាគ។
ឯ លី វ៉ាហេទ វិញមិនមែនជាអ្នកសិល្បៈទេរូបគេគឺជា កីឡាករបាល់ទាត់ដូច្នេះឲ្យមកថតរឿងលើកដំបូងជាមួយគ្នាមើលទៅលក្ខណៈរឹងៗ ហើយឆ្គង ទម្រាំតែបានមួយប្លង់ៗត្រូវប្រើពេលយូរជាងអ្នកសិល្បៈអាជីព។
“ប៉ុន្តែបន្ទាប់ពីធ្វើការជាមួយគ្នាបានមួយរយៈរួចមកឥឡូវ វ៉ាហេទ អាចសម្ដែងបានហើយ។ តែបើ យ៉ារ៉ូ វិញចាប់ផ្ដើមសម្ដែងមួយគ្នាភ្លាមគឺស៊ីចង្វាក់គ្នាភ្លែតតែម្ដង ដោយសារតែគាត់មានទេពកោសល្យផ្នែកហ្នឹងស្រាប់ ម្យ៉ាងទៀតខ្ញុំធ្លាប់ធ្វើការជាមួយគាត់ច្រើន ទោះបីកន្លងមកខ្ញុំទាំងពីរមិនដែលថតរឿងជាមួយគ្នាក៏ដោយ"។ តួឯកស្រីក្នុងរឿង "ខូចចិត្តអាជីព" រៀបរាប់។
រឿង“កែវវេទមន្ត" ដែល សុខ សោម៉ាវត្ដី សម្ដែងជាមួយ លី វ៉ាហេទ ត្រៀមនឹងដាក់បញ្ចាំងគ្រប់រោងភាពយន្តទំនើបៗនៅរាជធានីភ្នំពេញ និងខេត្តសៀមរាប នៅថ្ងៃទី ១៨ ខែតុលា ឆ្នាំ២០១៨ នេះហើយ៕
