- 2018-09-12 06:31:45
- ស្ទីលតារា
គ្មានជាប់សាច់ឈាមនឹងគ្នាសោះ តែ អ៊ីណូ យកចិត្តទុកដាក់ចំពោះ នាង គន្ធា លើសពីបងប្អូនទៀត
- 2018-09-12 06:31:45
- ចំនួនមតិ 0 | ចំនួនចែករំលែក 0
គ្មានជាប់សាច់ឈាមនឹងគ្នាសោះ តែ អ៊ីណូ យកចិត្តទុកដាក់ចំពោះ នាង គន្ធា លើសពីបងប្អូនទៀត
ចន្លោះមិនឃើញ
អ្នកណាក៏លាន់មាត់ដែលពីភាពខុសប្លែក នៃសម្រស់របស់តារាចម្រៀងក្មេងខ្ចី នាង គន្ធា មុននិងក្រោយចូលសិល្បៈ។ នៅពេលប្រលងកម្មវិធីចម្រៀង Cambodian Idol យុវតីរូបនេះ មានរូបសម្រស់មិនសូវទាក់ទាញទេ តែគ្រាន់តែឈានជើងចូលសាន់ដេភ្លាម សម្រស់នាង បានប្រែប្រួលស្ទើរពេលខ្លះចំណាំមិនបាន។ ម្ចាស់បទ "កូនស្រី" សារភាពត្រង់ៗឥតលាក់លៀមថា ដោយសារមានការណែនាំពីតារារៀមច្បង គឺលោក អ៊ី ណូ។
តាមពិតទៅ គន្ធា មិនសូវចេះពីរបៀបតែងខ្លួននោះទេ តែស្ទើរគ្រប់យ៉ាងបាន ម្ចាស់បទ "កុំយំ កុំយំអូន" ប្រាប់ជាហូរហែ។ មិនថារឿងស្លៀកពាក់ សូម្បីគ្រឿងតែងខ្លួន លេលាបមុខ លាបស្បែក ក៏លោក អ៊ី ណូ ប្រាប់ដែរ។ ពេលខ្លះ ទិញឲ្យទៀតក៏មាន ហើយបើឃើញសម្លៀកបំពាក់ណាស្អាត លោក ផ្ញើរូបនោះទុកឲ្យ គន្ធា មើលថែមទៀត។ លើសពីនេះ សូម្បីចេញទៅកម្មវិធីណា ក៏លោកអ៊ី ណូ ជួយប្រាប់ឲ្យហើយមុនថា គួរចាប់ផ្ដើមតែងខ្លួននៅម៉ោងណា ដើម្បីឲ្យរៀបចំខ្លួនបានទាន់ម៉ោង មិនទៅយឺត ហើយមិនស្អាត។
តារាចម្រៀងមកពីខេត្តបាត់ដំបង បន្តថា ពេលទៅណាជាមួយលោក អ៊ី ណូ មានភាពភាពកក់ក្ដៅខ្លាំង ព្រោះលោកតែងជួយមើលការខុសត្រូវ និងយកចិត្តទុកដាក់ ប្រៀបដូចឪពុកបង្កើត។ សូម្បីពេលចេញច្រៀងនៅក្រៅប្រទេស ក៏លោកមិនឲ្យឃ្លាតឆ្ងាយពីក្រសែភ្នែកដែរ ព្រោះបារម្ភខ្លាចវង្វេងផ្លូវ។ រីឯ ពេលចុះខេត្ត ចេញសម្ដែងម្ដងៗ ក៏ អ៊ីណូ ស្វះស្វែងរកបាយទឹក និងខ្វល់ខ្វាយសុខភាពរបស់នាងដែរ។ និយាយទៅ គន្ធា ប្រាប់ថា គឺលោក អ៊ី ណូ ជួយរៀបចំចាត់ចែងឲ្យមួយចប់តែម្ដង។ ក្រៅពីនេះ ឱកាសបានច្រៀងនៅសាន់ដេ ក៏លោក អ៊ី ណូជាអ្នកនៅពីក្រោយផងដែរ ទោះអ្នកទាំងពីរមិនធ្លាប់ស្គាល់គ្នាពីមុនមក ក៏ដោយ។
ទោះជាមានការយកចិត្តទុកដាក់លើគ្នាយ៉ាងនេះក្ដី គន្ធា ប្រាប់ថា គ្រាន់ជាទំនាក់ទំនងរវាងសិស្សច្បង និងសិស្សប្អូនប៉ុណ្ណោះ ។ ម្យ៉ាងលោក អ៊ី ណូ មានម្ចាស់ចិត្តរួចហើយ ចំណែករូបនាង ក៏ចាត់ទុកលោក អ៊ីណូ ដូចជាឪពុក ផងដែរ៕
