- 2018-09-18 03:10:00
- ភាពយន្ត
Chris Hemsworth សង្ហាពេក ធ្វើឲ្យតួស្រីបែកអារម្មណ៍ពេលសម្ដែងឈុតដោះអាវ
- 2018-09-18 03:10:00
- ចំនួនមតិ 0 | ចំនួនចែករំលែក 0
Chris Hemsworth សង្ហាពេក ធ្វើឲ្យតួស្រីបែកអារម្មណ៍ពេលសម្ដែងឈុតដោះអាវ
ចន្លោះមិនឃើញ
តារាសម្ដែងសញ្ជាតិអូស្ត្រាលីដែលអ្នកគ្រប់គ្នាបានស្គាល់តាមរយៈការសម្ដែងជាតួអង្គ Thor ធ្វើឲ្យនារីៗគ្រប់រូបមិនថាជាតារាសម្ដែងនោះទេឈ្លក់វង្វេងដកចិត្តមិនរួច។ ថ្មីៗនេះ Chris បានបង្ហាញខ្លួននៅក្នុងភាពយន្តថ្មី "Bad Times at El Royale” ហើយបានថតឈុតដោះអាវជាច្រើន ធ្វើឲ្យតារាសម្ដែង Dakota Johnson សារភាពថា ដោយសារតែរាងលោកសង្ហាពេកធ្វើឲ្យនាងពិបាកផ្ដោតអារម្មណ៍ក្នុងការសម្ដែងភាពយន្ត។
តួស្រីក្នុងរឿង "Fifty Shades” បានប្រាប់ទស្សនាវដ្ដី Vogue ប្រចាំប្រទេសអូស្ត្រាលីថា "ព្រះអើយ វាពិតជាធ្វើឲ្យខ្ញុំរវើរវាយខ្លាំងនៅពេលថតរឿង។" នាងបន្ថែមថា ថាពិតកំហុសធ្ងន់ណាស់របស់អ្នកដឹកនាំរឿង តម្រូវឲ្យ Chris ដោះអាវបង្ហាញសាច់ដុំពេលថតរឿងដូច្នេះ ព្រោះអ្នកគ្រប់គ្នាប្រាកដជារវើរវាយភ្លេចសាច់រឿងអស់។
មិនត្រឹមតែប៉ុណ្ណោះ Dakota ក៏បានសរសើរ Chris ថាជាតារាសម្ដែងមួយរូប ពោរពេញទៅដោយទេពកោសល្យផងដែរ។ តារារូបនេះបញ្ជាក់ទៀតថា ធម្មតាពេលនាងបានឃើញរាងរៅរបស់ Chris គឺមិនមែនមានអារម្មណ៍បែបផ្លូវភេទនោះទេ នាងគ្រាន់តែមានចម្ងល់និងភ្ញាក់ផ្អើល ព្រោះរាងរៅរបស់លោកពិតជាល្អឥតខ្ចោះ គ្មានទាស់ត្រង់ណា៕
